Tags-Ghar

dil meñ aa.e the sair karne ko
rah paḌe vo samajh ke ghar apnā

āvārgī kā haq hai havāoñ ko shahr meñ
ghar se charāġh le ke nikalnā muhāl hai

sabr-o-hosh-o-ḳhirad ga.e dil se
merī āñkhoñ ke ghar luTā aage

jalā ke ghar se raqīb sham.eñ havā meñ ham tum nikal paḌe haiñ
yahī hai donoñ ko intizār ab ki pahle kis kā diyā bujhegā

darvāze sar phoḌ rahe haiñ
kaun is ghar ko chhoḌ gayā hai

parinde pūchhte haiñ tum ne kyā qusūr kiyā
vo kyā kaheñ jinheñ hijrat ne ghar se duur kiyā

huuñ ghar meñ ki ahbāb meñ mātūb rahe ham
kuchh ham se na aayā to dikhāvā nahīñ aayā

vo guDDe miyāñ ghar bulā.e ga.e
biThā kar vo nausha banā.e ga.e

hameñ hai ghar se ta.alluq ab is qadar baaqī
kabhī jo aa.e to do din ko mehmān kī tarah

maiñ aa.uuñ aap ke ghar kyā mujhe Darāte haiñ
adū ke naqsh-e-qadam chashm-e-qadam chashm-e-pāsbāñ kī tarah

jau apne ghar koī aa le to kaun de taklīf
sitāre kaun vo baiThe haiñ mehmāñ kī tarah

kiran kiran kabhī ḳhurshīd ban ke niklūñgā
abhī charāġh kī sūrat meñ apne ghar meñ huuñ

kuchh ḳhabar bhī hai mirī kuTiyā tujhe
ghir ga.ī hai kitne zardāroñ ke beach

birāje ghar meñ mujhe chāhe tujh ko bahkā.e
le terī bahan kī ab sarbarāhī jaatī hai

ek darīche se do āñkheñ roz sadā.eñ detī haiñ
raat ga.e ghar lauTne vaalo shaad raho ābād raho

ek hī ḳhvāb ka.ī baar yūñhī dekhā maiñ ne
tū ne saaḌī meñ uḌas lī haiñ mirī chābiyāñ ghar kī

tū mire paas mire ghar pe mire saath hai 'sonūñ'

ek muddat se haiñ safar meñ ham
ghar meñ rah kar bhī jaise beghar se

ghar meñ rahā thā kaun ki ruḳhsat kare hameñ
chaukhaT ko alvidā.a kahā aur chal paḌe

ghar ke donoñ jānib dar lagvā.e haiñ
ab to terā dastak denā bantā hai