Tags-Ghar

ghar binā buniyād ke mumkin nahīñ
ghar meñ koī to siyānā chāhiye

jab kisī dil meñ ghar banānā ho
pahle nazroñ se sāz-bāz karo

kahtī hai ye shaam kī narm havā phir mahkegī is ghar kī fazā
nayā kamra sajā na.ī sham.a jalā tire chāhne vaale aur bhī haiñ

jab se ghar chhoḌ ki vo chāñd gayā hai merā
chhat to chhat farsh pe jaale nazar aate haiñ mujhe

kisī ne ka.aba banāyā kisī ne but-ḳhāna
banā na ek gharauñdā tumhāre ghar kī tarah

allāh re be-ḳhudī ki tire ghar ke ās-pās
har dar pe dī sadā tire dar ke ḳhayāl meñ

hasrat-e-shahr-e-nasībāñ kyā tujhe ma.alūm bhī hai
dasht hai ābād ya.anī ishq ke ghar se ziyāda

terī chāhat kā bharam rakhne kā saudā sar meñ thā
ham ne apnā ghar diyā phir zar diyā phir sar diyā

jab hunar us kī mohabbat kā khulā mujh par 'sabīn'
qaid us ne ghar kī dīvāroñ meñ mujh ko kar diyā

tumhārī yaad to lipTī hai puure ghar ke manzar se
darīche se zamīñ se baam se dīvār se dar se

junūn ko vo banāvaT samajh rahā hai abhī
ye sun liyā hai kisī se ki mere ghar bhī hai

ghar kā darvāza kabhī khultā nahīñ
phir bhī dahlīz diyā chāhtī hai

lams rishtoñ kā paa.eñ dīvāreñ
ghar atā kar makāñ se kyā hāsil

jo ghar meñ jā.ūñ to āvāz tak nahīñ koī
galī meñ aa.uuñ to har sū sadā ke rele haiñ

hai dil meñ ghar ko shahar se sahrā meñ le chaleñ
uThvā ke āñsuoñ se dar-o-bām dosh par

jis ghar meñ barastā thā jīvan
chhā.ī hai vahāñ par vīrānī

apne ghar kā sāz-o-sāmāñ ham ne girvī rakh diyā
hañste hañste zahar piine kā hunar dekhegā kaun

dīvār jo girī hai to ilzām kis ko duuñ
merī ḳhushī hī laa.ī thī sājan ke ghar mujhe

raah meñ bhī tujh se tanhā log haiñ
ghar meñ hai ghar se nikal kar dekh to

tū ne jis jalve ko parda kar diyā
ghūmtā-phirtā hai ghar ghar dekh to