Tags-Ghar

ghar meñ hoñ log kab zarūrī hai
logoñ meñ ho zarūr ghar phir bhī

bām-o-dar kī raushnī phir kyuuñ bulātī hai mujhe
maiñ nikal aayā thā ghar se ik shab-e-tārīk meñ

dar-o-dīvār par haiñ ghoñsle kitne parindoñ ke
kahūñ kaise ki qudarat ne ye ghar vīrān rakkhā hai

udaas suunī sī chhat aur do bujhī āñkheñ
ka.ī dinoñ se phir 'āshufta' ghar nahīñ aa.e

kisī ko ghar milā hisse meñ yā koī dukāñ aa.ī
maiñ ghar meñ sab se chhoTā thā mire hisse meñ maañ aa.ī

kabhī ai ḳhush-nasībī mere ghar kā ruḳh bhī kar letī
idhar pahuñchī udhar pahuñchī yahāñ aa.ī vahāñ aa.ī

ghar se niklā to mulāqāt huī paanī se
kahāñ miltī hai ḳhushī itnī farāvānī se

saarī duniyā meñ daana hai apne ghar meñ kuchh bhī nahīñ
aisā lagtā hai ab us ke kīsa-e-zar meñ kuchh bhī nahīñ

chāroñ khoñT phirā huuñ lekin apne aap ko pā na sakā
ghar aa kar ye raaz khulā hai samt-o-safar meñ kuchh bhī nahīñ

purkhoñ se unvān sunā hai bhuuk aur niiñd meñ rishta hai
aaj kī raat kaThin guzregī aaj to ghar meñ kuchh bhī nahīñ

himmat haar ga.e to baazī haar ga.e
lauT jā tū bhī ham bhī ghar ko jaate haiñ

har ek ghar meñ kisī ajnabī sā rahtā huuñ
kisī kī aql meñ aatā nahīñ ye mohmal maiñ

aap se lahza lahza jaate ho
'sheftā' hai ḳhayāl kis ghar kā

ab kahīñ shahr meñ 'āsim' hai na 'ġhālib' koī
kis ke ghar jaa.e ye sailāb-e-balā dekhte haiñ

dekh rah jaa.e na tū ḳhvāhish ke gumbad meñ asiir
ghar banātā hai to sab se pahle darvāza lagā

ajiib log haiñ
sahrā meñ shahr meñ ghar meñ

dil na de saath to ġham kaise sahā jā.egā
ki usī ghar meñ ye sailāb-e-balā jā.egā

terā ḳhayāl mujh se go mil kar bichhaḌ gayā
us kī mahak kā aks mire ghar pe naqsh hai

kitnī duur se chalte chalte ḳhvāb-nagar tak aa.ī huuñ
paañv meñ maiñ chhāle sah kar apne ghar tak aa.ī huuñ

hamāre ghar kā pata pūchhne se kyā hāsil
udāsiyoñ kī koī shahriyat nahīñ hotī