Tags-Ghar

kāñch kī dīvār patthar ke sutūñ lohe kī chhat
har jagah har shahr meñ aisā hī ghar dekheñge log

Dar hai jab dil ke TuuT jaane kā
ret pe ghar hī kyoñ banāte ho

ho chukī hijrat to phir kyā farz hai ghar dekhnā
apnī fitrat meñ nahīñ pīchhe palaT kar dekhnā

tirī talāsh meñ jaane kahāñ bhaTak jā.ūñ
safar meñ dasht bhī aatā hai ghar bhī aatā hai

dil meñ shafqat ho chāhat ho iḳhlās ho
ghar kā matlab nahīñ sāz-o-sāmān se

ghar se bāhar to the mutma.in mutma.in
ghar meñ 'at.har' mile haiñ pareshān se

vaañ vo to ghar se apne pī kar sharāb niklā
yaañ sharm se araq meñ Duub āftāb niklā

parde hī meñ chalā jā ḳhurshīd to hai behtar
ik hashr hai jo ghar se vo be-hijāb niklā

jo kabhī lagī kī ḳhabar sunī to ġhazab kī choT yahāñ lagī
mujhe soz-e-dil kā gumāñ huā jo kisī ke ghar se dhuāñ uThā

bāhar kā māhaul to ham ko aksar achchhā lagtā hai
shaam se ik din ghar meñ rah kar dekheñ kaisā lagtā hai

ajab junūn-e-masāfat meñ ghar se niklā thā
ḳhabar nahīñ hai ki sūraj kidhar se niklā thā

vo qais ab jise majnūñ pukārte haiñ 'farāz'
tirī tarah koī dīvāna ghar se niklā thā

bhaTak rahe haiñ javānī ke nā-rasā-lamhāt
bahut se ghar the jinheñ ek ghar ne chhīn liyā

dekheñ ab kaun se raste pe zamāna jaa.e
kūcha kūcha haiñ parī-zād to ghar ghar āshiq

mire ghar ke makīno, rishta-e-dāro, ai galī vaalo
mujhe yuuñ rassiyoñ se bāñdh kar

dasht-o-dariyā ke ye us paar kahāñ tak jaatī
ghar kī dīvār thī dīvār kahāñ tak jaatī

chhat kī kaḌiyāñ jāñch le dīvār-o-dar ko dekh le
mujh ko apnāne se pahle mere ghar ko dekh le

qazzāqoñ kī bastī meñ rahā karte haiñ ham sab
har ghar ko koī dūsrā vīrān karegā

ek lamhe ko bhī maujūd nahīñ hai rāhat
ghar meñ kyā halqa-e-aġhyār lagāyā huā hai