Tags-Ghar

laḌāte jo ho 'shād' se ghar meñ āñkheñ
nazar Daalo ham par bhī tevar se bāhar

jis ke ghar jaate na the hazrat-e-dil
vaañ lage phāñd ne dīvār ye kyā

ghar ujālā tum kuuñ karnā ho agar ehsān kā
to diyā jo kuchh ke ho phir naam us kā lo nahīñ

ḳhāmushī ghar kī Dar hī hai 'shahāb'
duur ik shor hai suhānā sā

muqaddar kahīñ kaj-kulāhī kare
koī ghar meñ mahv-e-duā rah gayā

ab ke sāvan meñ sharārat ye mire saath huī
merā ghar chhoḌ ke kul shahr meñ barsāt huī

sutūn-o-bām kī dīvār-o-dar kī shart nahīñ
bas ek ghar tire ḳhāna-ḳharāb māñgte haiñ

mai-kashoñ ne hī nahīñ DhūñDā mire ghar kā pata
shaiḳh sāhab bhī mujhe ab yaad farmāne lage

ḳhayāl-e-gardish-e-shām-o-sahar meñ rahtā huuñ
maiñ ghar meñ rahte hue bhī safar meñ rahtā huuñ

maiñ apne jism pe tanqīd kar nahīñ saktā
magar ye sach hai ki miTTī ke ghar meñ rahtā huuñ

mujhī se māñge hai sailāb rāsta 'saulat'
ye jāntā hai ki miTTī ke ghar meñ rahtā huuñ

jo nāvak chale aur talvār niklī to qaa.em rahā maiñ hī ahd-e-vafā par
kisī ne kisī ko bhī phir kar na dekhā paḌī imtihāñ-ghar meñ kuchh aisī bhāgaḌ

jab talak tū nahīñ dikhā.ī diyā
ghar kahīñ kā kahīñ dikhā.ī diyā

maiñ ġham ko basā rahā huuñ dil meñ
be-ghar ko makān de rahā huuñ

ḳhvāb meñ bhī nazar aa jaa.e jo ghar kī sūrat
phaaḌ khā.eñ tire darbāñ sag-e-dar kī sūrat

aisī bigḌe na ilāhī kisī ghar kī sūrat
vahī dīvār kī sūrat hai jo dar kī sūrat

ghere rahtā hai bagūlā mujhe ab ek na ek
kī hai paidā mire sahrā ne bhī ghar kī sūrat

ghar se be-fikr maiñ sahrā meñ phirā kartā huuñ
merī āñkhoñ meñ phirā kartī hai ghar kī sūrat

ik mire dam ke liye kitne haiñ ghar
āshiyāna hai qafas hai daam hai

rātoñ kā nīndoñ se rishta TuuT chukā
apne ghar kī pahre-dārī kiyā karo