Tags-Ghar

āgahī tū ne hameñ kin vus.atoñ meñ gum kiyā
be-nishāñ har mulk meñ be-āsrā har ghar meñ ham

sātveñ dar tak pukār aa.ī ḳhudī ko be-ḳhudī
aur har dar se javāb aayā nahīñ haiñ ghar meñ ham

terī dastak thī ki sannāTā vahī har shaam kā
rahrav-e-koh-e-nidā haiñ ghar ke bām-o-dar meñ ham

sharīfe ke daraḳhtoñ meñ chhupā ghar dekh letā huuñ
maiñ āñkheñ band kar ke ghar ke andar dekh letā huuñ

jo nazar bachā ke guzar ga.e mire sāmne se abhī abhī
ye mire hī shahr ke log the mire ghar se ghar hai milā huā

hameñ apne ghar se chale hue sar-e-rāh umr guzar ga.ī
koī justujū kā sila milā na safar kā haq hī adā huā

bharā hai laakh phūloñ se mire ghar kā hasīñ āñgan
yahī hai merī daulat mujh ko kyā chāhat dafīnoñ kī

qahr ban jā.eñgī ye ḳhuun kī pyāsī rāheñ
zindagī mujh meñ simaT aa ki tirā ghar huuñ maiñ

mirī Dolī jahāñ se saj ke niklī
maiñ bābul kā vahī ghar sochtī huuñ

ham bhī kyā log haiñ ik ghar ko banāne ke liye
kis qadar duur gharānoñ se nikal jaate haiñ

ishq-e-āvāra-o-badnām ne izzat rakh lī
ham se be-ghar bhī kiyā karte haiñ kūcha-gardī

is jhuuT kī daldal se bāhar bhī nikal aate
duniyā meñ bhī sar uThtā aur ghar bhī sambhal jaatā

tū hī kyuuñ nādim hai itnī mere ghar kī aabrū
kis ke sar par aisī āñdhī meñ ridā ruk jā.egī

jal bujhe ghar aur fasīl-e-shahr par
raushnī kā shahr likkhā rah gayā

chehra-posh ojhal hue bhaḌkā ke aag
aane vaalā ghar ko aatā rah gayā

yahīñ ham ghar meñ hote haiñ to phir kyuuñ 'talḳh' aisā hai
har ik lamha hameñ jis tarah ghar aane ko kahtā hai

apnā makān bhī thā usī moḌ par magar
jaane maiñ kis ḳhayāl meñ auroñ ke ghar gayā

maiñ būḌhā ho chalā huuñ phir bhī maañ tākīd kartī hai
mire beTe na jaanā ghar se bāhar shaam hote hī

mere ghar kā ḳhālī-pan
tere naaz uThā.egā

ye ghar sote ke sote hī na rah jaa.eñ
havā-e-hashr-sāmāñ chal rahī hai