Tags-Hawa

iltifāt-e-yār thā ik ḳhvāb-e-āġhāz-e-vafā
sach huā kartī haiñ in ḳhvāboñ kī ta.abīreñ kahīñ

rulātī haiñ mirī yādeñ hamesha ḳhuun ke aañsū
kisī nādār pe guzrā huā ik hādsa huuñ maiñ

phūl-pattoñ kā unheñ phir hosh kyā baaqī rahe
jin daraḳhtoñ ko havā zer-o-zabar karne lage

duā.eñ maañg rahī huuñ havā rahe jāhil
gharonda ret pe tāmīr kar rahī huuñ maiñ

aag ke saath maiñ bahtā huā paanī sunñā
rāt-bhar apne anāsir kī sunānī sunñā

havā batātī hai guzregā kārvāñ koī
kuchh aur der isī raah par Thahar jaa.eñ

kabhī idhar jo sag-e-kū-e-yār aa niklā
gumāñ huā mire vīrāne meñ humā niklā

ruḳh us kā dekh huā zard nayyar-e-āzam
sunahre burj se jis dam vo mah-laqā niklā

mah-e-siyām meñ aayā jo vo hilāl-abrū
gumāñ huā ye mujhe chāñd iid kā niklā

ye kis ke paañv rakhe haiñ havā ke siine par
agar maiñ saañs bhī letā huuñ umr ghaTtī hai

vo mire paas se guzre to ye ma.alūm huā
zindagī yuuñ bhī dabe paañv guzar jaatī hai

ayyām-e-ḳhizāñ meñ ahl-e-chaman sarsar ko sitam se kyā rokeñ
begāna huā jab sabza bhī to kaun yagāna phūloñ kā

roz ḳhushbū tirī laate haiñ sabā ke jhoñke
ahl-e-gulshan mirī vahshat ko havā dete haiñ

huā haq meñ hamāre kyuuñ sitamgar āsmāñ itnā
koī pūchhe ki zālim kyā sitamgārī se haath aayā

itrātā garebāñ par thā bahut, rah-e-ishq meñ kab kā chaak huā
vo qissa-e-āzādāna-ravī, us zulf ke hāthoñ paak huā

kyā kyā na paḌhā is maktab meñ, kitne hī hunar sīkhe haiñ yahāñ
iz.hār kabhī āñkhoñ se kiyā kabhī had se sivā bebāk huā

jis din se gayā vo jān-e-ġhazal har misre kī sūrat bigḌī
har lafz pareshāñ dikhtā hai, is darja varaq namnāk huā

ḳhush rahiyo sun ai bād-e-sabā kahīñ aur tū apne naaz dikhā
tū jis ke baal uḌātī thī vo shaḳhs to kab kā ḳhaak huā

ye kis maqām pe pahuñchā hai kārvān-e-vafā
hai ek zahar sā phailā huā fazāoñ meñ

kaun maslūb huā kis pe lagā hai ilzām
kashmakash aisī hai insāf adālat māñge