Tags-Hawa

huā karegā har ik lafz mushk-bār apnā
abhī sukūñ se kiye jaao intizār apnā

har ik charāġh ko hai dushmanī havā ke saath
bechārī le ke kahāñ jaa.e intishār apnā

ai shahr-e-dil tirī galiyoñ meñ ḳhaak uḌtī hai
ye kyā huā ki yahāñ koī nauhagar bhī nahīñ

kyā huā manzar-e-maujūd kī peshānī ko
zard pattoñ kī tarah sāya-e-ashjār lage

baḌī suhānī sī raat thī vo
havā meñ an-jānī khoī khoī mahak rachī thī

huzūr-e-yār meñ harf iltijā ke rakkhe the
charāġh sāmne jaise havā ke rakkhe the

havā ke pahle hī jhoñke se haar maan ga.e
vahī charāġh jo ham ne bachā ke rakkhe the

hameñ mālūm hai ham mānte haiñ ham ne sīkhā hai
dil āzurda huā karte haiñ az had chashm-e-tar vaale

guzar na jaa.e kahīñ ḳhāmushī meñ ye shab bhī
murāqiba to huā ab zarā jalāl meñ aa

laakh pīchhā chhuḌānā chāhā magar
ġham huā hī judā nahīñ mujh se

chalā gayā koī āñkhoñ meñ gard uḌātā huā
na kaam aayā koī ToTkā na Tonā bhī

hijr ke ratjagoñ kā asar yuuñ huā vasl-e-jānāñ kā lamha basar yuuñ huā
dosh par us ke gesū bikharte rahe gudgudāte rahe aur ham so ga.e

jānāñ pe jī nisār huā kyā bajā huā
us raah meñ ġhubār huā kyā bajā huā

muddat se rāz-e-ishq mire pe ayaañ na thā
ye bhed āshkār huā kyā bajā huā

taaze khile haiñ daaġh ke gul dil ke baaġh meñ
phir mausam-e-bahār huā kyā bajā huā

dil tujh parī kī aag meñ sīmāb kī misāl
āḳhir kuuñ be-qarār huā kyā bajā huā

kishvar meñ dil ke thā amal-e-sūbādār-e-aish
ab ġham kā iḳhtiyār huā kyā bajā huā

āhū-e-dil ki vahshi-e-sahrā-e-aql thā
tujh zulf kā shikār huā kyā bajā huā

vo āftāb aaj mire qatl par 'sirāj'
shab-dez par savār huā kyā bajā huā

vo din havā hue ki bichhāte the jaan o dil
ab ek baar aur hameñ muskurā ke dekh