Tags-Hawa

shahīd-e-shab faqat ahmad-'farāz' hī to nahīñ
ki jo charāġh-ba-kaf thā vahī nishāna huā

ghire haiñ tañgnāoñ meñ kuchh aise
samundar kī havā bhūle hue haiñ

har ghaḌī dil ko aarzū hai yahī
jo abhī tak nahīñ huā jānāñ

use DhūñDte DhūñDte kho ga.e hameñ huā kiyā aur kyā ho ga.e ham
hameñ pahroñ tak apnī ḳhabar hī nahīñ hameñ kosoñ tak apnā patā hī nahīñ

tirā karam mire din kulfatoñ ke yuuñ guzre
mujhe lagā ki mire saath kuchh huā hī nahīñ

ki jis meñ phuul khileñ aur chaman mahak uThe
ye vo sahar hī nahīñ hai ye vo havā hī nahīñ

havā bātoñ kī jo chalne lagī hai
so ik afvāh bhī uḌne lagī hai

har kaan huā hai sabad-e-gul se ziyāda
kyā phuul ke mānind tire muñh se jhaḌī baat

aañkh shabnam kī dekhtī hai kise
chāñdnī meñ huā javāñ koī

jalte ākāsh kī Dhalvān pe sūraj kā vajūd
ik pighaltā huā laavā hai ki bujhtā hī nahīñ

abr se ek din ye havā ne kahā
maiñ to peḌoñ se patte churā laa.ī huuñ

mujh meñ tāqat hai is se ye sābit huā

sun ke ye abr kī aql jaatī rahī
yuuñ hī is ko havā gudgudātī rahī

TuuTī huī dīvār kī taqdīr banā huuñ
maiñ kaisā fasāna huuñ kahāñ likkhā huā huuñ

maiñ 'rāz' chamaktā huā jhūmar thā kisī kā
ab shab ke samundar meñ kahīñ Duub gayā huuñ

huā kartā hai sab kuchh ai 'asar' us kī ḳhudā.ī meñ
kareñ da.avā ḳhudā.ī kā sanam aisā bhī hotā hai

dahan yaar kā dekh chup lag ga.ī
suḳhan yaañ huā ḳhatm hāsil-kalām

jahāñ 'mīr' zer-o-zabar ho gayā
ḳhirāmāñ huā thā vo mahshar-ḳhirām

vaqt se pahle havā ne kaan meñ kuchh kah diyā
fasl-e-gul ke aate hī dil kā ziyāñ honā hī thā

dil jal jo gayā ḳhuub huā soḳhta behtar
vo jins koī jis kā ḳharīdār na hove