Tags-Health

shaah ke hai ġhusl-e-sehhat kī ḳhabar
dekhiye kab din phireñ hammām ke

iid ko hai nāznīnoñ sehat-e-'nāzim' kā jashn
hoñ na.ī ārā.isheñ utreñ purānī chūḌiyāñ

maiñ to marīz-e-ishq huuñ merī sehat sehat nahīñ
achchhā mujhe nahīñ kyā tum ne burā nahīñ kiyā

sehat dil-o-dimāġh baqā aur zindagī
in ne.amatoñ se duur rahe aah aadmī

bīmār-e-mohabbat haiñ ham tārik-e-rāhat haiñ
nā-vāqif-e-sehat haiñ darmāñ kise kahte haiñ

paal le ik rog nādāñ zindagī ke vāste
sirf sehhat ke sahāre umr to kaTtī nahīñ

ba.ad-e-murdan bhī maiñ bīmār-e-mohabbat hī rahūñ
tā-qayāmat na ho yārab kabhī sehat merī

ārām dard-e-ishq se dil ko kamāl hai
sehat se bhī aziiz mujhe hai sivā maraz

davā se fā.eda maqsūd thā hī kab ki faqat
davā ke shauq meñ sehat tabāh kī maiñ ne

us kī sehhat kā bhalā raaz hai kyā
misl-e-gā.e hai tumhārā bakrā

bīmār-e-ishq ko huī sehat visāl se
ai jālīnūs ik ye davā kaam kar ga.ī

ahbāb haath uThā.eñ hamāre ilaaj se
sehat-pazīr ishq kā bīmār ho chukā

marīz-e-ġham kī sehat kī ḳhabar allāh sunvā.e
gayā jo paas us ke 'shād' vo phir mutma.in aayā

zaḳhmī-e-ulfat huuñ maiñ sehat nahīñ hogī mujhe
bhar rahī hai dil ke zaḳhmoñ meñ havā.e kū-e-dost

ġhashī kā aalam vo zor par hai mizāj-e-sehhat se be-ḳhabar hai
davā kā ġhaflat-zada asar hai ḳhabar davā ko nahīñ asar kī

hai aaj zamīñ kā ġhusl-e-sehhat
jis dil meñ ho jitnā ḳhuun laa.e

ba-zāhir sehat achchhī hai jo bīmārī ziyāda hai
isī ḳhātir buḌhāpe meñ havas-kārī ziyāda hai

ye sehhat-baḳhsh taḌkā ye sahar kī jalva-sāmānī
ufuq saarā banā jaatā hai dāmān-e-chaman jaise

marg hī sehat hai us kī marg hī us kā ilaaj
ishq kā bīmār kyā jaane davā kyā chiiz hai

pīrī-e-ishq se huuñ sehat-e-ma.ashūq-shikār
dil tavānā-e-jigar ho ye zarūrī to nahīñ