Tags-Health

har vaqt fikr-e-marg-e-ġharībāna chāhiye
sehhat kā ek pahlū marīzāna chāhiye

huī muddat tire zulfoñ ke dīvāne kī sehat ko
bigaḌ jaatā hai shab zanjīr kī āvāz aatī hai

marīz-e-hijr ko sehat se ab to kaam nahīñ
agarche sub.h ko ye bach gayā to shaam nahīñ

bas isī vaj.h se qaa.em hai mirī sehat-e-ishq
ye jo mujh ko tere dīdār kī bīmārī hai

shu.ūr-e-naqd kī sehat-pasandiyoñ kī qasam
aqīdatoñ ke parḳhache uḌā diye ham ne

maut kyā aa.ī tap-e-furqat se sehat ho ga.ī
dam nikalne se badan ThanDā huā ranjūr kā

kis qadar terī duāoñ meñ asar thā ai dost
ho gayā huuñ maiñ sehat-yāb davā se pahle

hotī na kabhūñ is dil-e-bīmār ko sehhat
gar lutf-e-masīhā-e-lab-e-yār na hotā

jis ke maraz pe sehat-e-ālam nisār ho
kis tarah vo marīz duā-e-shifā kare

sehat-mand rahne kī ḳhātir
karte kasrat achchhe bachche

murġh-e-dil mardum-e-bīmār pe sadqa kar Daal
vāste sehhat-e-jāñ ke amal-e-tair to hai

pī rahā hai muskurā kar jām-e-sehat maut kā
tere bīmār-e-mohabbat ko shifā se kyā ġharaz

jo aap aa.eñ pa.e ayādat yaqīñ hai ho jaa.e mujh ko sehat
magar barā-e-ḳhudā ye zahmat kabhī gavāra na kījiyegā

magar taaza sitam ko vo mirī sehat kā ḳhvāhāñ hai
ki kal zaḳhmī kiyā aur aaj ban kar chārasāz aayā

sehat hai maraz qazā shifā hai
allāh hakīm hai hamārā

ruuh ko rog mohabbat kā lagā detī haiñ
sehat-e-dil jo atā kartī haiñ bīmār āñkheñ