Tags-Aasman

havā chalī
to shaam āsmān se

mire sehan par khulā āsmān rahe ki maiñ
use dhuup chhāñv meñ bāñTanā nahīñ chāhtā

ashkoñ meñ us ke husn kī lau tairtī rahī
paanī ke āsmān pe mahtāb sā rahā

ik chīḳh āsmān ke dāman meñ so ga.ī
dil kī zamīñ pe dard har ik sū bikhar gayā

agar dimāġh sitāra hai TuuT jā.egā
chamak chamak ke uThātā hai āsmān kā bojh

zamīñ kā bojh aur us par ye āsmān kā bojh
utaar pheñk duuñ kāñdhoñ se do-jahān kā bojh

zamīn phuul fazā nuur āsmān dhanak
inhīñ meñ rahnā magar rañg bhī judā rakhnā

sabhoñ kī aa ga.ī piirī jo tum javān hue
zamīñ kā dil huā miTTī ḳham āsmān hue

ajiib uljhan sī rahā kartī hai in dinoñ mujh ko
mere āsmān ke chāñd ko ḳhabar do

hamāre suroñ pe phaile
āsmān ke safed varaq par

zikr merā hai āsmān meñ kyā
aa gayā huuñ maiñ us ke dhyān meñ kyā

daadā ne āsmān kī jānib nigāh kī
godī meñ jam gayā to musallā uThā diyā

vo qahr thā ki raat kā patthar pighal paḌā
kyā ātishīñ gulāb khilā āsmān par

hazār rāste badle hazār svāñg rache
magar hai raqs meñ sar par ik āsmān vahī

ye darmiyāñ kā ḳhalā hī mirā nahīñ varna
ye āsmān bhī merā zamīn bhī merī

nazar to aas kī ab ahal-e-āsmān pe hai
duā kā tiir abas ajr kī kamān pe hai

ye kahāñ se ham ga.e haiñ kahāñ kaheñ kyā tirī tag-o-tāz meñ
ki ye āsmān-o-zamīñ jahāñ na nasheb meñ na farāz meñ

zamīñ pe jab koī mazlūm aah bhartā hai
sitāre TūTte haiñ āsmān bolte haiñ

paglī sī ek laḌkī se shahr ye ḳhafā hai
vo chāhtī hai palkoñ pe āsmān rakhnā

phir be-gharī kā ḳhauf havāoñ meñ ghul gayā
saat āsmān tere haiñ maiñ ghoñsle meñ huuñ