Collections

Lab Shayari

Motivational Ghazals

Best Khamoshi Shayari

More Collections

Tags-Aasman

lafzoñ ke khel bahut ajiib hote haiñ
kabhī āsamān par le jaate haiñ

lafzon ke khel

jab bhī nazar uThī to falak kī taraf uThī
bar-gashta āsmān se goyā na tū na maiñ

tark-e-talluqat pe roya na tu na main

fazā farishtoñ ke nuur se jagmagā rahī hai
dhule hue āsamān saare haiñ us kināre

bahaar ki dhup mein nazare hain us kinare

hamāre hisse meñ do-gaz zamīn bhī to nahīñ
hamāre haq meñ koī āsmān kaise ho

hai dhup tez koi saeban kaise ho

ajab nahīñ hai ki phir aaj ham sahar dekheñ
ki āsmān pe gintī ke haiñ sitāre ab

junun ke josh mein phirte hain mare mare ab

ye pul-sirāt kahāñ le chalā hameñ 'anjum'
na ham zamīñ ke rahe aur na āsmān meñ haiñ

pas-e-yaqin kahin hum bhi tere guman mein hain

pas-e-yaqīñ kahīñ ham bhī tire gumān meñ haiñ
tirā nishāñ haiñ ye taare jo āsmān meñ haiñ

pas-e-yaqin kahin hum bhi tere guman mein hain

ye āb-o-gil ye shajar āsmān ye sūraj
kisī ke aane kā ye ehtimām hai shāyad

sar-e-waraq pe likha intiqam hai shayad

yā āsmān tak nahīñ jaatī mirī navā
yā āsmāñ pe suntā nahīñ hai navā koī

koi sada na dur talak naqsh-e-pa koi

be-shak zamīñ hanūz hai apne madār meñ
lekin dimāġh us kā to hai āsmān par

ek lafz aa gaya tha jo meri zaban par

tū jahāñ naaz se qadam rakh de
vo zamīn āsmān hai pyāre

sab pe tu mehrban hai pyare

dushmanī meñ jhuk ga.ī us kī kamar
āsmān ne kyā hamārā kar liyā

har masarrat se kinara kar liya

āsmān-e-suḳhan-o-sher se jo utrī thī
vo zamīñ mujh pe bahut tañg huī hai is baar

zehn aur dil mein ajab jang hui hai is bar

jalva tirā kahāñ nahīñ ai āsmān-e-husn
jis jā falak na ho koī aisī zamīñ nahīñ

kis sher mein sana-e-ruKH-e-mah-jabin nahin

kis sher meñ sanā-e-ruḳh-e-mah-jabīñ nahīñ
hai āsmān-e-husn ġhazal kī zamīñ nahīñ

kis sher mein sana-e-ruKH-e-mah-jabin nahin

sitāra TuuT ke bikhrā aur ik jahān khulā
ajiib ruḳh se añdhere meñ āsmān khulā

sitara TuT ke bikhra aur ek jahan khula

maiñ apne aap se to laḌā huuñ tamām umr
ai āsmān tū bhī kabhī aazmā mujhe

jina azab kyun hai ye kya ho gaya mujhe

ajiib haiñ tire kūche meñ basne vaale bhī
zamīñ pe rahte haiñ vābasta āsmān se haiñ

shikayaten na zamin se na aasman se hain

shikāyateñ na zamīñ se na āsmān se haiñ
ki ek umr se ham log be-zabān se haiñ

shikayaten na zamin se na aasman se hain

shakl-e-qubūl ho ke phirī āsmān se
tāsīr ho ga.ī to duā aur ho ga.ī

tujh mein to ek KHu-e-jafa aur ho gai