Tags-Hichki

kuchh der ko nabz-e-ālam bhī chalte chalte ruk jaatī hai
har mulk kā parcham girtā hai har qaum ko hichkī aatī hai

jo hichkī aa.ī to ḳhush maiñ huā ki maut aa.ī
kisī ko yaar kā itnā bhī intizār na ho

visāl kī shab guzar ga.ī hai jo aarzū thī vo mar ga.ī hai
hameñ to hichkī lagī huī hai vo fikr meñ haiñ ki ghar ko chaliye

āḳhrī hichkī tire zaanū pe aa.e
maut bhī maiñ shā.irāna chāhtā huuñ

tham zarā vaqt-e-ajal dīdār-e-jāñ hone lagā
āḳhirī hichkī pe koī mehrbāñ hone lagā

ab marnā bhī mushkil hai vo pūchh rahe haiñ bālīñ par
kis ne us ko yaad kiyā hai kaisī hichkī aa.ī hai

pasīna ashk hasrat be-qarārī āḳhirī hichkī
ikaTThā kar rahā huuñ aaj sāmān-e-safar apnā

mujhe kyuuñ aaj hichkī aa rahī hai
koī yaad aa.ī aur un ko jafā kyā

mirī be-sāḳhta hichkī mujhe khul kar batātī hai
tire apnoñ ko gaañv meñ to akasr yaad aatā hai

hijr meñ dam ghuTne ko hai kuuch hai tafrīh kā
saañs rukne ko hai hichkī chand baar aane ko hai

'jalāl' ham ye na māneñge tū use nahīñ yaad
tujhe kabhī koī hichkī bhī kyā nahīñ aatī

jise sunāne gayā thā maiñ zindagī kī navīd
vo shaḳhs āḳhirī hichkī ke intizār meñ thā

nasīm-e-sub.h gulshan meñ guloñ se kheltī hogī
kisī kī āḳhirī hichkī kisī kī dil-lagī hogī

āḳhirī hichkī pe hai nashshe kī sāġhar jaagā
pyaas ko niiñd jab aa.ī to samundar jaagā

use yaad thī kal kī tārīḳh shāyad
sisaktī rahī le ke hichkī udāsī

āḳhirī hichkī se dam TuuTā na nabz apnī rukī
tū agar hotā mire aage to martā aur kuchh

mujhe kyuuñ aaj hichkī aa rahī hai
koī yaad aa.ī aur un ko jafā kyā

javāb le ke phirī shukr naza.a kī hichkī
vo ab pukārte haiñ ham jinheñ pukār aa.e

rāt-bhar sub.h kī ummīd pe zinda thā marīz
sub.h hote hī use āḳhirī hichkī aa.ī

ḳhabar detī hai yaad kartā hai koī
jo bāñdhā hai hichkī ne taar aate aate