Tags-Hijr

hijr ke ġham meñ rone vaale terā alam duniyā kī nazar meñ
kal bhī ibrat-nāk nahīñ thā aaj bhī ibrat-nāk nahīñ hai

ishq ik hikāyat hai sarfarosh duniyā kī
hijr ik masāfat hai be-nigār sahrā kī

hijr meñ paas na hai zahr na ḳhanjar afsos
na diye maut ke bhī charḳh ne asbāb mujhe

jo lo karvaT to maiñ samjhūñ shab-e-hijr
ye choTī kis liye pīchhe paḌī hai

un ke dur-e-dandāñ ke tasavvur meñ shab-e-hijr
har ashk dam-e-girya hai durdāna kisī kā

shāre-e-ulfat ne likkhā hai kitāb-e-ishq meñ
vasl ho yā hijr saarī raat bedārī kare

jo dil thā vasl meñ ābād tere hijr meñ aah
banī hai shakl ab us kī ujaaḌ ban kī sī

tīrgī ḳhāmushī bebasī tishnagī
hijr kī raat meñ ḳhāmiyāñ ḳhāmiyāñ

havā gar hijr kī sāzish meñ hisse-dār ban kar darmiyāñ aa.e
hijr ke par bhiig jaa.eñ aur

kitāb-e-hijr-e-musalsal khulī hamāre liye
ki bāb-e-vasl sar-e-anjuman tamām huā

hijr ke moḌ par jamī hai nazar
aur lamhāt se hai vābasta

dushman dhund hai kab se merī āñkhoñ ke darpai
hijr kī lambī kaalī rāteñ kājal ho jaa.eñ

kisī kā ek hai dushman to dost-dār hai ek
hamārā hijr adū ek vasl yaar hai ek

hijr kā aish kahāñ hai mirī qismat meñ ki ab
zindagī rañj ba-andāz-e-digar khīñchtī hai

kyā mazammat hai mujhe sub.h-e-shab-e-hijr un se
jin se kahtā thā ki bachnā mirā mumkin hī nahīñ

sub.h ho shaam judā.ī kī ye mumkin hī nahīñ
hijr kī raat vo hai jis ke liye din hī nahīñ

hijr meñ āsmāñ mudārā.ī
vasl meñ hai satīza-kār balā

vo jis ne mujh ko tire hijr meñ bahāl rakhā
tū aa gayā hai to kyā us se bevafā ho jā.ūñ

hijr sitam hai kulfat-o-ġham hai kis se kahiye haal apnā
din ko paḌe rahnā muñh Dhāñke raat ko girya-o-zārī hai

dīdār de shitābī jalne kī taab niiñ hai
is hijr kī agan siiñ dozaḳh kī aag aulā