Tags-Hunar

hamāre aib meñ jis se madad mile ham ko
hameñ hai aaj kal aise kisī hunar kī talāsh

zamīn-e-fikr-o-hunar bāñjh hai abhī 'rāhī'
husūl-e-dād vasūl-e-ḳhirāj rahne do

ḳhudā ne husn diyā hai tujhe kamāl magar
use sajāne kā tujh ko hunar bhī aatā hai

rivāj-o-rasm kā us ko hunar bhī aatā hai
mujhe bulātā bhī hai mere ghar bhī aatā hai

mire alfāz zau dene lage haiñ
ġhazal kahnā hunar hone lagā hai

hunar nahīñ jo havāoñ ke par katarne kā
rahegā ḳhauf hamesha hī bujh ke marne kā

likhā gayā mujhe āvāz-e-ḳhāmushī kī tarah
ḳhud apnā aks banūñ sāya-e-hunar meñ rahūñ

aap paidā to kareñ dast-e-hunar phir dekhiye
aap ke hāthoñ meñ patthar ā.īna ho jā.egā

ba-nām-e-ishq ġham-e-mo'tabar zarūrī hai
hayāt ke liye koī hunar zarūrī hai

hamārī manzilat-o-qadr apne fan se hai
hunar-shanās hue ham to mo'atabar hue ham

'ḳhāvar' is shahr meñ ham ahl-e-hunar par ye khulā
ek shai be-hunarī bhī hai hunar se aage

kis tarah dast-e-hunar meñ bolne lagte haiñ rañg
madrase vāloñ ko 'tābāñ' kaun samjhā paa.e hai

'farāz' apnī jigar-kāviyoñ pe naaz na kar
ki ye mata-e-hunar bhī sadā kisī kī nahīñ

tābish-e-ilm-o-hunar hai be-samar
kāvish-e-husn-e-amal be-sūd hai

jab ye ḳhvāhish kā amboh-e-vahshat na thā shahr itnā tahī-dast-e-fursat na thā
kitne ābād rahte the ahl-e-hunar har nazar thī yahāñ mehrbāñ yā aḳhī

shā.er-e-gauhar-e-be-āb-e-zamāna ai 'shād'
sher-fahmoñ se kabhī dād-e-hunar kyā legā

bashar banātā maut hai apnī
us ko apne hunar se ḳhatra

banā ke kāġhzī gul log ye samajhte haiñ
ki ik hunar hai ḳhizāñ ko bahār karnā bhī

kuchh is tarah se dikhātā hai vo hunar apnā
ki jaise sab ko yahāñ be-hunar samajhtā hai

ḳhūbān-e-jahāñ hoñ jis se tasḳhīr
aisā koī ham hunar na dekhā