Tags-Hunar

hikmat-e-vaqt bhī kartī hai atā jin ko ḳhirāj
maiñ isī soch meñ huuñ kyā vo hunar hote haiñ

man-chāhī tasvīr banāne meñ mujh se
hunar-varī meñ kuchh kotāhī rah jaatī hai

ham kahāñ ke daanā the kis hunar meñ yaktā the
be-sabab huā 'ġhālib' dushman āsmāñ apnā

maiñ be-libās to aayā thā bā-libās gayā
ye zād-e-rāh kamāyā rah-e-hunar maiñ ne

badal ga.e ḳhat o ma.anī ka.ī zabānoñ ke
jab e'tirāf-e-junūñ kar liyā hunar maiñ ne

guftugū tujh se karūñ aise meñ
khulne lagtā hai hunar bāteñ kar

ye kārobār dard kā phir phailtā gayā
kholī dukāñ thī zaḳhm-e-hunar kī asaas par

mujhe ġhazal ke na.e ḳhāl-o-ḳhad banāne haiñ
mirā hunar mire e.ajāz ke liye kam hai

yā to mujh se chhīn lo ye but-tarāshī kā hunar
varna maiñ jo but tarāshūñ to ḳhudā ho jā.egā

band-e-qabā-e-surḳh kī manzil un par sahl huī hai
jin hāthoñ ko aag churā lene ke hunar aate haiñ

niiñd jaatī hī nahīñ arz-e-hunar se aage
daftar-e-ġham hī sadā kar ke raqam uThte haiñ

lafz o bayāñ ke pas-manzar tak ik qaus-e-imkānī aur
merī jast-e-hunar ko likh de koī samt-e-ma.ānī aur

ai mire ḳhvāb
hunar-ḳhez rivāyat ke amiiñ

'zafar' ye mere liye to azāb-e-jāñ hogā
ḳhudā na-karda ki maiñ shahr-e-be-hunar meñ rahūñ

patthar se hoñ dil yak-nigah-e-garm meñ paanī
hai ishq se ījād hunar shīshagarī kā

kisī bhī kaam kā merā hunar nahīñ na sahī
havā-e-dahr muāfiq agar nahīñ na sahī

kyā mil gayā zamīr-e-hunar bech kar mujhe
itnā ki sirf kaam chalātā rahā huuñ maiñ

kyā kyā na paḌhā is maktab meñ, kitne hī hunar sīkhe haiñ yahāñ
iz.hār kabhī āñkhoñ se kiyā kabhī had se sivā bebāk huā

nazar ke sāmne rahnā nazar nahīñ aanā
tire sivā ye kisī ko hunar nahīñ aanā

dil kis tarah na khīñcheñ ash.ār reḳhte ke
behtar kyā hai maiñ ne us aib ko hunar se