English
Favourite
Favourite
UrduShayarUrduShayar
Expand menu
Sign inAccount

Tags-Husn

ishq kyā hai ḳhud-farāmoshī musalsal iztirāb
husn kyā hai jalva-ārā.ī ba-andāz-e-hijāb
Ghazal
 ishq kya hai KHud-faramoshi musalsal iztirab
ġhaur se fitrat ne dekhā ba.ad-e-taḳhlīq-e-huzūr
do jahāñ ke husn kī taḳhmīr aadhī rah ga.ī
Ghazal
 rang uD kar raunaq-e-taswir aadhi rah gai
vo sarāpā husn hai aur us kā ik ruḳh hai siyāh
chāñd se mahbūb kī tābīr aadhī rah ga.ī
Ghazal
 rang uD kar raunaq-e-taswir aadhi rah gai
kahte haiñ is meñ hai sāz-e-husn par hai soz-e-ishq
dekh kar gul-bāñg qadr-e-mīr aadhī rah ga.ī
Ghazal
 rang uD kar raunaq-e-taswir aadhi rah gai
is dil meñ tire husn kī vo jalvagarī hai
jo dekhe hai kahtā hai ki shīshe meñ parī hai
Sher
 is dil mein tere husn ki wo jalwagari hai
maiñ huuñ vo shāh-baḳht ki darbār-e-husn meñ
chaltā hai apnā kaam vafā ke baġhair bhī
Ghazal
 aankhon mein bas raha hai ada ke baghair bhi
tauqīr-e-husn shart hai dil dene ke liye
gar husn hī na ho to kabhū rījhiye bhī nahiñ
Ghazal
 dije nahin kasu ko to phir lijiye bhi nahin
mahram-e-husn-e-bahārāñ to nahīñ ho saktī
vo nazar sirf jo gul-hā-e-chaman tak pahuñche
Ghazal
 dil mein jo baat khaTakti hai dahan tak pahunche
jiit kar bāzī-e-ulfat ko bhī haarā jaa.e
is tarah husn ko shīshe meñ utārā jaa.e
Ghazal
 jit kar bazi-e-ulfat ko bhi haara jae
aap ke husn kī tausīf se maqsad hai mirā
naqsh-e-fitrat ko zarā aur ubhārā jaa.e
Ghazal
 jit kar bazi-e-ulfat ko bhi haara jae
ye hasīn fitrat ke husn kā anīlā-pan
zindagī ke aariz par ye karīh pīlā-pan
Ghazal
 ye hasin fitrat ke husn ka anila-pan
nafas nafas meñ rahe kyoñ na ik jahān-e-sifāt
mirī nigāh meñ tanvīr-e-husn-e-zāt bhī hai
Ghazal
 ye sochta hun ki KHud aarif-e-hayat bhi hai
jo sirr-e-ishq bhī hai rāz-e-husn-e-jānāñ bhī
yaqīñ karo mire dil meñ ik aisī baat bhī hai
Ghazal
 ye sochta hun ki KHud aarif-e-hayat bhi hai
ye bajā ki tohfa-e-jāñ liye tire paas aa.e the be piye
vo gadāgarān-e-tahī-subū tire husn-e-zan se chale ga.e
Ghazal
 wo niyaz-o-naz ke marhale nigah-o-suKHan se chale gae
ab husn kā rutba aalī hai ab husn se sahrā ḳhālī hai
chal bastī meñ banjāra ban chal nagrī meñ saudāgar ho
Ghazal
 dil hijr ke dard se bojhal hai ab aan milo to behtar ho
vo shāh-e-husn mere is mulk-e-dil pe yaaro
jis dam ki dauḌne ko yalġhār ghar se niklā
Ghazal
 jab tegh ko pakaD wo KHunKhaar ghar se nikla
but-ḳhāne meñ safedī-e-husn-e-farañg hai
girje kī raushnī hai savād-e-kunisht meñ
Ghazal
 kabe se mujhko lae sawad-e-kunisht mein
yuuñ nazm-e-jahāñ darham-o-barham na huā thā
aisā bhī tire husn kā aalam na huā thā
Ghazal
 yun nazm-e-jahan darham-o-barham na hua tha
kitāb-e-husn kī ta.abīr ḳhair kyā kartā
'nadīm' aa.ina unvān tak nahīñ aayā
Ghazal
 nazar tak aaya hai pahchan tak nahin aaya
aaj ḳhud husn ko dekhā hai sar-e-kūcha-e-ishq
dekheñ āġhāz koī taaza rivāyat hī na ho
Ghazal
 dard-e-alam bhi kahin dard-e-mohabbat hi na ho
Top Urdushayar.com