Tags-Husn

aaj taz.īn-e-jamāl ek fasāna hī sahī
kal ye mashshātgī-e-husn haqīqat hī na ho

kaisī hadīsh-e-rañg-o-bū zikr-e-jamāl-o-nūr kyā
husn hī jab na aa sakā dā.ira-e-ḳhyāl meñ

ek taraf tire husn kī hairat ek taraf duniyā
aur duniyā meñ der talak Thahrā nahīñ jā saktā

husn-e-yūsuf sī koī jins bhī rakkho is meñ
varna bāzār sajāne se kahāñ bantā hai

be-niyāzī ḳhud sarāpā iltijā ban jā.egī
aap apnī dāstāñ meñ husn to paidā kareñ

rū-e-gul ho chehra-e-mahtāb ho yā husn-e-dost
har chamaktī chiiz ko kuchh duur se dekhā kareñ

husn chāhe jise hañs bol ke apnā kar le
dil ne apnoñ ko bhī begāna banā rakkhā hai

husn thā us shahr kā āvārgī
aur hameñ the paañv ke chhāle aziiz

ik tazād-e-husn-e-ma.anī hai tirī ta.amīr meñ
dastaras meñ bhī giraft-e-vaqt se bāhar bhī tū

tum ne hamāre zarf-e-nazar par na kī nigāh
saare jahāñ ko husn se ma.amūr kar diyā

husn ko dil meñ chhupā kar dekho
dhyān kī sham.a jalā kar dekho

sunā hai husn kī mahfil meñ pyaar biktā hai
kaho ki ishq bhī dāman ke taar le ke chale

chehra-e-rañgīñ koī dīvān-e-rañgīñ hai magar
husn-e-matl.a haiñ masīñ matl.a hai saaf abrū-e-dost

mirī mashshātgī kī kyā zarūrat husn-e-ma.anī ko
ki fitrat ḳhud-ba-ḳhud kartī hai laale kī hinā-bandī

ye bikhre taare ye be-nazm phuul shāhid haiñ
numūd-e-husn meñ pābandī-e-usūl nahīñ

ye husn-o-latāfat ye ḳhushbū ye rañg-e-fazā ye josh-e-numū
aalam hai anokhā kaliyoñ kā duniyā hai nirālī phūloñ kī

tum dekhne kī chiiz ho dekhā kare koī
ye husn ye jamāl ye aalam shabāb kā

husn aisā thā ki har ik aa.inā kam paḌ gayā
aa.ina kyā umr bhar kā dekhnā kam paḌ gayā

jo rañg-e-husn-e-ḳhāmoshī hai vo khotī hai goyā.ī
huā jab lab-kushā ġhuncha to bāhar bū nikal aa.ī

huī na jur.at-e-guftār to sabab ye thā
mile na lafz tire husn-e-be-badal ke liye