Tags-Husn

jamāl-o-husn ke kāfir nikhār se khelā
riyāz-e-ishq kī rañgīñ bahār se khelā

na sirf husn kī ma.asūmiyat pe the ilzām
ḳhulūs-e-ishq pe bhī harf aa.e haiñ kyā kyā

ghar meñ da.avā na husn kā kar
yūsuf se nikal ke sāmnā kar

zulf-o-lab-o-āriz kī jannat meñ pahuñch jaa.eñ
us husn-e-mujassam ke kāshāne kī bāteñ hoñ

parvāne kī tarah na bujhā de charāġh-e-husn
tūtī-e-ḳhat ke ātish-e-ruḳh se jalāo par

huā hai ishq meñ kam husn-e-ittifāq aisā
ki dil ko yaar to dil yaar ko pasand huā

barham-zan-e-hijāb hai ḳhud-raftagi-e-husn
ik shān-e-be-ḳhudī hai zuleḳhā kaheñ jise

husn bhī hai panāh meñ ishq bhī hai panāh meñ
ik tirī nigāh meñ ik mirī nigāh meñ

thā jinheñ husn-parastī se hamesha inkār
vo bhī ab tālib-e-dīdār haiñ kin ke un ke

adā-o-nāz meñ kuchh kuchh jo hosh us ne sambhālā hai
to apne husn kā kyā kyā diloñ meñ shor Daalā hai

ghaḌī ghaḌī na kareñ ham pe mehrbānī aap
ki husn rakhte haiñ aur ālam-e-javānī aap

yaar kī husn-e-javānī kā maiñ dīvāna huuñ
ḳhat-e-ruḳhsār hai mahzar mirī rusvā.ī kā

sehn-e-gulshan meñ chāñdnī dekheñ
husn-e-takmīl-e-zindagī dekheñ

fitrat-e-husn ko kaun samjhe bhalā gah atā hī atā gah jafā hī jafā
gaah taqsīr kī aur hañsī aa ga.ī gaah sajde kiye aur itaab aa gayā

husn kī ye adā bhī hai kitnī hasīñ ik tabassum meñ sab kuchh hai kuchh bhī nahīñ
apnī apnī samajh apnā apnā yaqīñ har savāl nazar kā javāb aa gayā

bisāt-e-dahr sahī jalva-gāh-e-husn-e-azal
nigāh-e-shauq fuġhāñ-sanj-e-tishnagī kyuuñ hai

jabīñ-e-navāz kisī kī fusūñ-garī kyuuñ hai
sarisht-e-husn meñ is darja dilkashī kyuuñ hai

karūñ na kyuuñ husn kā nazāra sunūñ na kyuuñ ishq kā fasāna
isī kā to mashġhala thā barsoñ isī kā to valvala rahā hai

kyuuñ kar ye kahūñ husn kā nashsha nahīñ hotā
hotā to bahut hai magar itnā nahīñ hotā