Tags-Husn

husn hai be-niyāz jalvoñ se
chāñd kyā jaane chāñdnī kyā hai

daulat bhī hai falsafa bhī hai jaah bhī hai
lutf-e-husn-e-butāñ-e-dil-ḳhvāh bhī hai

mirī maut mātam kā husn-e-talab hai
sukūñ ek hañgāma-zā chāhtā huuñ

partav-e-husn huuñ is vāste mahdūd huuñ maiñ
husn ho jā.ūñ to duniyā meñ samā bhī na sakūñ

paak sīrat haiñ bahut nuur kā paikar haiñ vo
zehn meñ husn kī tasvīr banā lī jaa.e

is shahr meñ shāyad koī dil vaalā nahīñ hai
jo husn kahīñ bantā sañvartā nahīñ dekhā

baḌī muddat se terā husn dal bin kar dhaḌaktā hai
baḌī muddat se dil terī tamannā meñ nahīñ rahtā

takiya karam pe kaise karūñ maiñ ki nāz-e-husn
nukta-navāz hai to sahī nukta-chīñ bhī hai

hai shab-e-mahtāb gore rañg se kapḌe siyāh
husn ko chamkā rahī hai sogvārī aap kī

yād-e-ayyāme ki thā zoroñ pe jazb-e-husn-o-ishq
vo mire dil kā taḌapnā be-qarārī aap kī

ye aarzū hai badal jaa.e rasm-e-shahr-e-vafā
udaas husn na ho ishq sar-garāñ na rahe

sad shukr vo the mā.il-ba-karam mar.ūb the ro.ab-e-husn se ham
un se ahvāl-e-dil-e-pur-ġham kahne kī jasārat kyā karte

huzūr-e-husn se ḳhushiyāñ na mil sakīñ na sahī
matā-e-ġham se to sad shukr bā-farāġh rahā

sho.ala lapkā hai tire husn kā aise bhī kabhī
sher mere bhī hue shoḳh añgāre kī tarah

dil husn par nisār to kar duuñ bajā durust
jhelegā is ke ba.ad sitam kaun ham ki aap

jam.iyyat-e-jamāl kā husn-e-kamāl dekh
āḳhir yahī huā ki pareshāñ kiyā gayā

husn kī kyā ibtidā kyā intihā
shefta bhī be-sar-o-pā chāhiye

shabāb o husn meñ bahas aa paḌī hai
na.e pahlū nikalte jā rahe haiñ

dekh nigāh-e-shauq se husn-o-jamāl kā jahāñ
jalva hī jalva chār-sū husn-e-nazar-navāz se

sāqī-e-mehrbāñ pilā bāda-e-ma.arifat-asar
mast banā ke de ḳhabar husn-e-azal ke raaz se