Tags-Husn

kyā kiije hove chashm miyāñ terī hī jo kor
zāhir hai varna husn vahī har naqāb meñ

ab husn-o-ishq meñ farq nahīñ ab donoñ kī ik hālat hai
maiñ un ko dekhtā rahtā huuñ vo mujh ko dekhte rahte haiñ

hameñ kyuuñ sauñptā hai daulat-e-husn
amānat meñ ḳhayānat ho ga.ī to

sāz-e-ulfat hai mire sāz-e-jigar hone tak
husn dilkash hai mire zauq-e-nazar hone tak

sharāb-e-husn meñ mastī hai be-niyāzī kī
ḳhudī ke shīshe meñ Dhālūñ agar ijāzat ho

husn jab mehrbāñ ho to kyā kījiye
ishq ke maġhfirat kī duā kījiye

kis ko hai ye ḳhabar ki ba-unvān-e-zindagī
kis husn-e-ehtimām se maslūb ham hue

tū yaar aziiz āñkhoñ meñ hai mahr-vashoñ ke
niiñ hai mah-e-kan.āñ bhī tire husn ke saanī

zau-fishāñ hone lagā jab dil meñ husn-e-ḳhud-numā
phir to kaaba 'ārzū' kaaba na thā but-ḳhāna thā

tamām husn-e-jahāñ kā javāb ho ke rahā
jo dard dil se uThā āftāb ho ke rahā

vo shāh-e-husn jo be-misl hai hasīnoñ meñ
kabhī faqīr bhī thā un ke ham-nashīnoñ meñ

husn kī shart-e-vafā jo Thahrī tesha o sañg-e-girāñ kī baat
ham hoñ yā farhād ho āḳhir āshiq to mazdūr rahā

ishq kī betābiyoñ par husn ko rahm aa gayā
jab nigāh-e-shauq taḌpī parda-e-mahmil na thā

merī duniyā meñ tire husn kī rānā.ī hai
tere siine meñ mire ishq ke tūfāñ hoñge

husn ḳhud husn-e-mujassam se pashīmāñ uTThā
ā.īna le ke vo baiThe to sañvar bhī na sake

allāh allāh ye kamāl aur irtibāt-e-husn-o-ishq
fāsle hoñ laakh dil se dil judā hotā nahīñ

'fauq' sailāb-e-ġham-e-daurāñ bahā kar le gayā
dekhtā hī rah gayā ik husn kā paikar mujhe

tālib haiñ dil se husn-e-mohabbat-fazā ke ham
is se ziyāda aur tujhe ḳhūb-rū kareñ

use mil ke aa.e to shaam ko mujhe aa.ine ne kahā suno
vo jo sub.h-dam thā hasan-'razā' vo tumhī ho yā koī aur hai

peḌoñ kī tarah husn kī bārish meñ nahā luuñ
bādal kī tarah jhuum ke ghar aao kisī din