Tags-Husn

husn manzar meñ kahāñ hai
ye hamāre man kī āñkhoñ meñ kahīñ hai

mohabbat aap hī manzil hai apnī
na jaane husn kyuuñ itrā rahā hai

nigāh-e-ishq kī vus.at na pūchho
jahān-e-husn simTā jā rahā hai

husn ke dil meñ jagah paate hī dīvāna bane
ham abhī raaz bane hī the ki afsāna bane

sirāt-e-husn-e-talab meñ mujh ko añdherī rātoñ kā ġham nahīñ hai
tirī mohabbat kī raushnī meñ qadam maiñ apnā baḌhā rahā huuñ

mazāq-e-husn-parastī qubūl hai mujh ko
agar nigāh haqīqat se āshnā bhī rahe

yaañ raushani-e-sub.h to vaañ nik.hat-e-gul hai
yuuñ husn-e-gurezāñ kā koī naam nahīñ hai

aalam se fuzūñ terā aalam nazar aatā hai
har husn muqābil meñ kuchh kam nazar aatā hai

us ke ro.ab-e-husn ke aage
maare bāñdhe rah jaate haiñ

ham to mar mar ke sikhāyā kiye lekin ab tak
ishq kā husn-e-ḳhud-ārā ko chalan yaad nahīñ

chāñdnī husn kī achchhī hai magar naaz na kar
tujh ko is chāñd kā tārīk gahan yaad nahīñ

husn ġhamze se chhuTā ishq farāmosh huā
aise hālāt meñ kyā sher bhī sachchā na kahūñ

husn ko larza-bar-andām kahāñ tak dekhūñ
ishq-o-yaksāniyat-e-ām kahāñ tak dekhūñ

mast ulfat hoñ mirā naam hai dīvāna-e-husn
kaam hai hosh meñ aanā kabhī ġhāfil honā

merī hastī meñ mirī ziist meñ shāmil honā
tujh ko ai husn mubārak ho mirā dil honā

mirī vafāoñ kī gahrā.iyoñ kā khoj to le
vo bahr-e-husn kabhī zarf-āzmā bhī to ho

ma.āz-allāh vo kāfir-adā kā husn-e-pinhānī
ki ab ḳhatre meñ hai har ik musalmāñ kī musalmānī

husn kī be-ruḳhī adā Thahrī
āshiqī bad-gumāñ nahīñ hotī

kyā muqābil ho husn-e-jānāñ ke
chāñdnī be-karāñ nahīñ hotī

naaz hai shauq-e-āfrīñ shauq hai shorish-e-dimāġh
husn hai ārzū-pasand ishq junūñ-navāz ho