Tags-Husn

tum apne des kī sauġhāt ho hamāre liye
ki husn tohfa-e-āb-o-havā bhī hotā hai

go husn-e-dilrubā hai dil kī ḳhalish balā hai
khele sambhal ke vo jo ishq-e-butāñ se khele

kab use rukne kī fursat thī ġhurūr-e-husn meñ
maiñ ta.āqub meñ ravāñ thā maiñ sadā detā rahā

ḳhāksāroñ ko kabhū laatā nahīñ ḳhātir meñ vo
husn kī daulat par apne is qadar maġhrūr hai

ishq kyā kyā na āfateñ Dhaa.e
husn gar mehrbāñ na ho jaa.e

jo daam uTheñ husn-e-javānī ke vo kam haiñ
saudā ye kisī tarah garāñ ho nahīñ saktā

rah-e-ḳhizāñ meñ talāsh-e-bahār karte rahe
shab-e-siyah se talab husn-e-yār karte rahe

thā qurb kī ḳhvāhish meñ bhī kuchh husn ajab sā
jo gird mire rañg thā naġhma thā vo tum the

mohabbat kā agar bevpār na karte to kyā karte
hai duniyā husn kā bāzār na karte to kyā karte

vo mast-e-nāz husn maiñ sarshār-e-ārzū
vo iḳhtiyār meñ haiñ na maiñ iḳhtiyār meñ

ḳhud husn be-niyāz nahīñ faiz-e-ishq se
ḳhū mere dil kī hai nigah-e-be-qarār meñ

jo baat maane to ain shafqat na maane to ain husn-e-ḳhūbī
'rasā' bhalā ham ko daḳhl kyā ab ham apnī hālat sunā chuke haiñ

vo tirā husn ki ḳhīra thī zamāne kī nazar
ye mirā fan ki tirā aks dikhāyā hai tujhe

dekh ai be-ḳhudī-e-shauq-e-parastish hoshiyār
husn-e-ḳhuddār ko mahfil meñ na rusvā karnā

tum bhī 'tābish' ko jānte hoge
husn maz.hab hai ishq zaat us kī

maiñ nigāh-e-pāk se dekhe thā tire husn-e-pāk ko us pe bhī
mire jī meñ ḳhvāhish-e-vasl thī mire dil meñ bos-o-kanār thā

parvarda-e-havas jo husn-e-yaqīñ bhī hotā
ye karbalā-e-daurāñ hotā na ghar hamārā