Tags-Husn

udhar thā husn kā inkār phir bhī
talab muusā kī baḌhtī jā rahī thī

hai apnī apnī tabī.at pe husn-e-shai mauqūf
maiñ kyuuñ huuñ banda-e-be-dām un hasīnoñ kā

ye tirā husn-e-tasavvur tere kāshāne meñ hai
tū na ābādī meñ hai ġhāfil na vīrāne meñ hai

husn hai is baar puure jalva-sāmānī ke saath
aa.ine TuuTe haiñ pahlī baar hairānī ke saath

merī to har nigāh hai vaqf-e-ubūdiyat
vo har adā meñ husn-e-kalīsā liye hue

hazār Thokareñ khā.īñ hazār sū 'bahzād'
jahān-e-husn meñ koī bhī bā-vafā na milā

sū-e-falak kiije rū-e-tābāñ ki chaudhvīñ shab pe hai ye nāzāñ
dikhā ke husn-e-shabāb apnā chakor karne qamar ko chaliye

hamāre husn-e-nazar kā kamāl kuchh bhī nahīñ
to kyā tumhārā hai saarā jamāl vaise hī

hoshiyār ai infi.āl-e-kaif-zā
husn tak pahuñchā payām-e-ārzū

husn jitnā hī saada hotā hai
gesū-e-nā-kushāda hotā hai

husn hotā hai sāda-o-rañgīñ
ishq rañgīn-o-sāda hotā hai

mirī nigāh bhī bahkī huī hai kuchh, aur kuchh
hayā-e-husn ruḳh-e-yār par fuzūñ bhī hai

matā-e-husn mahsūsāt meñ arzāñ hī rah jaatī
girāñ us ko ba-yak taḳha.īl-e-yazdāñ kar diyā ham ne

husn par naaz hai bajā lekin
ishq ko aazmā ke dekho tum

vo kashākash hai ki jiinā bhī hai dūbhar 'tābāñ'
ishq ma.asūm bahut husn fusūñ-kār bahut

añdheroñ meñ ujāle DhūñDhtā huuñ
ye husn-e-zan hai yā dīvāna-pan hai

ye husn kā dhokā bhī dil ke liye kaafī thā
chhūne ke liye kab thī mahtāb kī ūñchā.ī

kis nazākat se hai dekho ittihād-e-husn-o-ishq
zulf vaañ shāne ne khīñchī dard hai yaañ shāna meñ

husn terā kabhī gul aur kabhī māhtāb huā
kabhī ā.īna kabhī mahr-e-jahāñ-tāb huā

qurbat-e-husn meñ bhī dard ke āsār mile
chāra-gar ishq ke marham ke talabgār mile