Tags-Husn

ishq kī mushkil-pasandī se huā ye āshkār
ḳhūbsūrat ko ġhurūr-e-husn thoḌā chāhiye

māñgtā huuñ maiñ ḳhudā se apne dil se dāġh-e-ishq
bādshāh-e-husn ke sikke kā toḌā chāhiye

ik nigāh be-niyāz-e-ishq tak
husn kī haiñ sab ġhalat-pindāriyāñ

husn ḳhuddār ho to bā.is-e-shohrat hai zarūr
lekin in bātoñ meñ ho jaatī hai rusvā.ī bhī

faqat sūrat meñ kyā rakkhā hai ai husn-e-tamāshā haiñ
ki kār-e-ā.ina se maiñ sikandar ho nahīñ saktā

husn ho ishq ho junūñ ho ki hosh
sab se begāna dil ko karnā hai

laakh parde gar hoñ tere husn par
koī pardoñ meñ chhupā rahtā hai tū

haañ batā vahm se katrā.e hue husn-e-yaqīñ
nañg-e-tahqīq huī rasm-e-ab-o-jad ki nahīñ

jo tire husn ke faqīr hue
un ko tashvīsh-e-rozgār kahāñ?

'nātiq' diloñ meñ nuur hai is sham-e-husn kā
raushan hai sab ke ghar kā charāġh is charāġh se

āgāh jazb-e-ishq-e-zuleḳhā se thā na husn
yūsuf ko chaah meñ ḳhabar-e-kārvāñ na thī

banā ke ā.īna saaf us ko kiyā hai husn-e-adā se vāqif
ilāhī ā.īna-sāz kī ab shitāb patthar paḌe zabāñ par

sho.ala-e-husn-e-butāñ phūñk na de aalam ko
surḳh haiñ phuul se ruḳhsār baḌī mushkil hai

vo jo husn-e-kul kī dalīl thā vo ḳhayāl aa ke sajā gayā
laḌīñ yuuñ nigāh se bijliyāñ koī jaise parde uThā gayā

bādā-kashān-e-ishq ko kuchh to milā pa.e-sukūñ
husn-e-sahar na le sake jalva-e-shām le liyā

ye imtihān-e-kashish husn-o-ishq kā hai banā
na ham udhar ko na ab vo idhar ko dekhte haiñ

kisī ke husn se ye ham ko bad-gumānī hai
ki pahle naama se ham nāma-bar ko dekhte haiñ

tumhārā husn to hai jaan apne rishte kī
barat rahe haiñ magar ham zarā muravvat bhī

dekh kar tum ko hairatī huuñ maiñ
kis qadar husn hai zamāne meñ

husn ke husn-e-nadāmat kā taqāzā hai ki aaj
sidq-e-dil se phir yaqīn-e-vāda-e-fardā karūñ