Tags-Husn

tum apne husn ke jalvoñ se kyuuñ sharmā.e jaate ho
ye ā.īna mirī āñkhoñ kī hairānī se aayā hai

mahfil meñ tere husn pe qurbān hogā kaun
dīvāne chal diye jo nikal kar idhar-udhar

ba-ḳhudā husn-e-butāñ kā yahī sab se hai kalām
vo chhalāvā huuñ ki tum sab ko maiñ chhal jā.ūñgā

ā.īna-dar-ā.īna dar-ā.īna tirā husn
hairāñ hoñ tire tālib-e-dīdār kahāñ tak

nazar meñ husn kisī kā 'hasan' samātā nahīñ
ki ham ne dekhī haiñ uThtī javāniyāñ us kī

is husn-e-ishva-gar se farishte na bach sake
hai aadmī to phir bashariyyat liye hue

us husn ke sachche motī ko ham dekh sakeñ par chhū na sakeñ
jise dekh sakeñ par chhū na sakeñ vo daulat kyā vo ḳhazānā kyā

ye tire husn se lipTī huī ālām kī gard
apnī do roza javānī kī shikastoñ kā shumār

soz-o-gudāz-e-ishq kā charchā na kar sake
husn-e-sitam-zarīf ko rusvā na kar sake

hai chāhat kahūñ ruup terā ġhazal maiñ
magar mujh meñ husn-e-ḳhitābat nahīñ hai

ḳhud e'tirāf-e-jurm kiyā ham ne ai 'mushīr'
lekin shikast-e-husn gavārā na kar sake

vo zaḳhm chāhtā huuñ maiñ ai husn-e-dil-fareb
jis ko tirī nigāh bhī achchhā na kar sake

are 'shādāñ' mohabbat ke nirāle taur hote haiñ
jise tum husn kahte ho vo va.jh-e-be-ḳhudī hogī

maiñ terī nigah meñ ik chaman thā
ye husn-e-nazar thā husn-e-zan thā

abhī un ke karam kī baat apne husn-e-zan tak hai
magar ummīd-vārān-e-karam bahke hue se haiñ

tasvīr terī yuuñ hī rahe kaash jeb meñ
goyā ki husn-e-vādī-e-kailāsh jeb meñ

husn-e-jānāñ nazar nahīñ aatā
aah meñ kuchh asar nahīñ aatā

raushan shabāb meñ jo huī sham-e-rū-e-yār
dūd-e-charāġh husn-e-ḳhat-e-ambarīñ huā

terā ye husn-e-be-karāñ muqayyad zamān hai
magar tujhe ai zindagī kahāñ koī gumān hai

husn-e-be-tamāshā kī dhuum kyā muammā hai
kaan bhī haiñ nā-mahram aañkh bhī tarastī hai