Tags-Husn

aa.ina jis meñ sadā Duub ke ubhrā kyā husn
ek Thahrā huā paanī hai ḳhud-ārā.ī kā

apne apne rañg meñ yaktā maiñ hī maiñ huuñ tū hī tū hai
husn kī mūrat ishq kā putlā maiñ hī maiñ huuñ tū hī tū hai

bāzī-e-husn-o-ishq meñ kuchh haar hai na jiit
nazreñ milīñ diloñ kā ḳhazāna badal gayā

aaj kyā hai jo milā shoḳh nigāhoñ ko qarār?
kyā huā husn kī ma.asūm hayāoñ kā vaqār

terā husn mustaqil
x vaa.e zī ġhazal

husn kī aag ġhanīmat hai ki is se pahle
rag-e-ayyām thī ik jū-e-fasurda sar-e-shām

ḳhud ishq hī ko de ga.e rusvā.iyoñ ke daaġh
vo rāz-e-husn ham jinheñ ifshā na kar sake

ab tak ilāj-e-ranjish-e-be-jā na kar sake
ik umr meñ bhī husn ko apnā na kar sake

aaj bhī husn-e-bayāñ parda-e-āmāl banā
aaj ke daur meñ bhī harf kī tāqat hai baḌī

anjām-e-vafā bhī dekh liyā ab kis liye sar ḳham hotā hai
nāzuk hai mizāj-e-husn bahut sajde se bhī barham hotā hai

aap kī kam-nigahī husn bhī hai aib bhī hai
log aisā bhī samajhte haiñ ki kam dekhte haiñ

kyā kisī kā husn hai ġhārat-gar-e-tāb-o-tavāñ
dekhte hī ik jhalak behosh ho jaatā huuñ maiñ

tū prem mandir kī paak devī tū husn kī mamlikat kī raanī
hayāt-e-insāñ kī qismatoñ par tirī nigāhoñ kī hukmarānī

pur-nūr jis ke husn se madfan thā kaun thā
chehra ye kis shahīd kā raushan thā kaun thā

shu.ūr-e-husn muzmir hijāb meñ 'vāmiq'
barhana chehroñ se be-chehragī nahīñ jaatī

nigāh-e-shauq vaqf-e-husn-e-fitrat hotī jaatī hai
tabī.at mahram-e-rāz-e-mohabbat hotī jaatī hai

sajā sajā sā na.e mausamoñ kā chehra hai
ḳhizāñ kā husn bahāroñ se baḌh ke nikhrā hai

vo nuur kā partav hai yā husn kā partav hai
hai diin mohabbat kā īmān mohabbat kā

husn ko bad-gumān rahne de
rāz-e-dil rāz-dān rahne de

ye maanā husn-e-haqīqat ayaañ majāz meñ hai
magar vo jalva hai ai chashm-e-imtiyāz kahāñ