Tags-Husn

husn-e-parī ik jalva-e-mastāna hai us kā
hushyār vahī hai ki jo dīvāna hai us kā

ik ishq jaise lafz meñ muzmir ho kā.enāt
ik husn jaise dhuup chaḌhī aur utar ga.ī

allāh re husn-e-dost kī ā.īna-dāriyāñ
ahl-e-nazar ko naqsh-ba-dīvār kar diyā

kis tarah husn-e-zabāñ kī ho taraqqī 'vahshat'
maiñ agar ḳhidmat-e-urdu-e-muallā na karūñ

na vo husn hai na hijāb hai na vo ishq meñ tab-o-tāb hai
na vo ābrū-e-vafā rahī tire gaañv meñ mire shahr meñ

tum rañg ho tum nuur ho tum shīsha ho tum jaam
kirnoñ se bharī sub.h ho tāroñ se bharī shaam

har chashm-e-iltifāt ke husn-e-nigāh ko
ā.īna-e-ḳhulūs kā jauhar kahā gayā

ehsās-e-husn-e-zarf se miltī hai aabrū
paanī kī ek buuñd ko gauhar kahā gayā

maiñ thā mushtāq tire jalve kā ai māya-e-husn
rah ke parde meñ bhī to sho.ala-e-uryāñ na huā

zarre zarre se ayaañ husn kī ra.anā.ī hai
vo hasīñ tū hai ki pardoñ meñ bhī pinhāñ na huā

tumhāre husn ke gulshan meñ pyāre kuchh na chhoḌūñgā
raqīboñ ke sar uupar chaḌh ke toḌūñgā ye phal pahlā

hāsil-ul-amr ham hue badnām
ishq husn-e-butān-e-zebā meñ

maraz-e-ishq husn-e-ḳhūbāñ kā
marg darmāñ hai naam hukamā meñ

TuuT jā.egā bharam pariyoñ kī shahzādī kā
jab tire husn ko shahkār kiyā jā.egā

huzūr-e-husn ye dil kāsa-e-gadā.ī hai
huuñ vo faqīr jise bhiik bhī na de koī

duniyā-e-husn-o-ishq meñ kis kā zuhūr thā
har aañkh barq-pāsh thī har zarra tuur thā

jalva-e-qudrat kā shāhid husn-e-fitrat kā gavāh
maah kā dil mehr-e-ālam-tāb kā nūr-e-nigāh

husn mash.hūr ho rahā hogā
log bāteñ banā rahe hoñge

husn se dil lagā ke hastī kī
har ghaḌī ham ne ātishīñ kī hai