English
Favourite
Favourite
UrduShayarUrduShayar
Expand menu
Sign inAccount

Tags-Husn

hamesha shefta rakhte haiñ apne husn-e-qudrat kā
ḳhud us kī ruuh ho jaate haiñ jis kā tan banāte haiñ
Sher
 hamesha shefta rakhti hai apne husn-e-qudrat ka
is qad o ruḳhsār par ai sham.a-rū is husn par
qamrī o bulbul kare hai vajd aur parvāna raqs
Ghazal
 ho raha hai abr aur karta hai wo jaanana raqs
husn aur ishq se ġhāfil rahe mumkin hī nahīñ
naġhma-e-dil meñ kisī ke mirī āvāz bhī hai
Ghazal
 gham bhi hai kaif bhi hai soz bhi hai saz bhi hai
tuur kā vāqi.a phir az-sar-e-nau taaza kareñ
jalva-e-husn bhī hai ishq kā e.ajāz bhī hai
Ghazal
 gham bhi hai kaif bhi hai soz bhi hai saz bhi hai
tujhe bhī husn-e-mutlaq kā abhī dīdār ho jaa.e
mire mahbūb ke jo rū-ba-rū ik baar ho jaa.e
Ghazal
 tujhe bhi husn-e-mutlaq ka abhi didar ho jae
āshiqo husn-e-jafākār kā shikva hai gunāh
tum ḳhabardār ḳhabardār na aisā karnā
Ghazal
 dekhna bhi to unhen dur se dekha karna
dekhnā bhī to unheñ duur se dekhā karnā
sheva-e-ishq nahīñ husn ko rusvā karnā
Ghazal
 dekhna bhi to unhen dur se dekha karna
husn banā jab bahtī gañgā
ishq huā kāġhaz kī naav
Ghazal
 kuchh to talluq kuchh to lagao
husn thā jab mastūr hayā meñ
ishq thā ḳhūn-e-dil kā rachāo
Ghazal
 kuchh to talluq kuchh to lagao
mileñ to pūchheñ ye arbāb-e-husn jauhar se
ġharaz nahīñ hai to duniyā-e-rañg-o-bū kyā hai
Ghazal
 hamare aage raqib-e-siyah-ru kya hai
tirā husn hai vo sahbā ki koī misāl kyā de
kabhī tishnagī bujhā de kabhī tishnagī baḌhā de
Ghazal
 tera husn hai wo sahba ki koi misal kya de
zālim ye bazm-e-husn kā achchhā rivāj hai
tū sham.a ho ke bhī na jale maiñ tapāñ rahūñ
Ghazal
 zer-e-zamin rahun ki tah-e-asman rahun
bahut aziiz hai mujh ko ye barg-e-nau jis meñ
zamīñ kā husn bhī hai shoḳhī-e-sabā bhī hai
Ghazal
 KHala ke dasht mein ye turfa majra bhi hai
husn kā shor jo barpā hai zarā thamne do
ishq kā lahja-e-nāyāb dikhāte haiñ tumheñ
Ghazal
 apne jine ke hum asbab dikhate hain tumhein
phir kisī mai-kada-e-husn meñ vaisī na milī
jaisī pī thī kisī ḳhush-lab se bahut din pahle
Ghazal
 kaT chuki thi ye nazar sab se bahut din pahle
jabīn-e-ishq ke sajde qubūl hote haiñ
mizāj-e-husn meñ jab barhamī nahīñ hotī
Ghazal
 nasib-e-ishq masarrat kabhi nahin hoti
muskurāhaT hai husn kā zevar
muskurānā na bhuul jaayā karo
Ghazal
 hans ke bola karo bulaya karo
ḳhalvat-e-husn-o-ishq bhī hai udaas
sard kuchh bazm-e-rozgār bhī hai
Ghazal
 lutf-saman itab-e-yar bhi hai
sust-paimān o be-niyāz sahī
husn tasvīr-e-intizār bhī hai
Ghazal
 lutf-saman itab-e-yar bhi hai
husn agar zanjīr kiyā hai ishq bhī phir zanjīr karo
varna baat bahut phailegī duur talak charche hoñge
Ghazal
 hum tum jab bhi pyar karenge jaan-o-dil sadqe honge
Top Urdushayar.com