Tags-Husn

ham ki darvesh haiñ aur ishq se matlab hai hameñ
husn ko apnī jagah chīñ-ba-jabīñ rahne de

aaj saare chaman meñ mātam hai
maut ne husn is kā luuTā hai

badal de is tarah ai charḳh husn o ishq kā manzar
pas-e-mahmil ho lailā qais ho lailā ke mahmil meñ

aap āshiq hai husn par apne
hai mire jaan kā ajab asrār

husn kā dekh har taraf gulzār
andalībāñ hue haiñ dil-afgār

husn-e-fitrat kī aabrū mujh se
aab o gil meñ hai rañg-o-bū mujh se

naaz o andāz meñ shā.ista sā vo husn-e-nafīs
hū-ba-hū jān-e-ġhazal hai mirī urdu kī tarah

vo shālīmār kī rañgīniyoñ meñ husn kā jaadū
vo duniyā-e-shabāb-o-sher vo gulzār-e-rañg-o-bū

yahāñ kī ghāTiyoñ meñ husn ke chashme ubalte haiñ
yahāñ har chiiz par jazbāt-e-insānī machalte haiñ

sikkoñ ke evaz jo bik jaa.e vo merī nazar meñ husn nahīñ
ai sham-e-shabistān-e-daulat tū hai jo parī-timsāl to kyā

vo za-sar-tā-ba-qadam husn kī ik aab liye
jagmagātī huī mānind-e-guhar aa.ī hai

mābain-e-nigāh-o-jalva-e-husn
hai ek hijāb sā tamannā

dil kī matā.a to luuT rahe ho husn kī dī hai zakāt kabhī
roz-e-hisāb qarīb hai logo kuchh to savāb kā kaam karo

husn hī husn jalve hī jalve
sirf ehsās kī zarūrat hai

jahāñ jale the tire husn-e-ātishīñ ke kañval
vahāñ alaav to kyaa, raakh kā nishāñ bhī na thā

tum itnā husn āḳhir kyā karoge
are kuchh to ḳhudā ke naam par do

vo mere sāmne baiThe hue haiñ
harīm-e-husn ke nākām pardo

husn-e-lāchār kī bāteñ kareñ kyā
ishq-e-bīmār kī bāteñ kareñ kyā

ġhazal ke husn kā ehsās us ko kyā 'jāved'
ḳhulūs-e-narmī-e-guftār ko jo pā na sake

husn saada hai tirā maiñ bhī bahut aam sī huuñ
merī āñkhoñ meñ kisī niil kī gahrā.ī nahīñ