Tags-Husn

hameñ hamārī vafā dasht dasht DhūñDegī
tumhāre husn kā charchā galī galī hogā

tamām husn-o-ma.ānī kā rañg uḌne lagā
khilī jo dhuup to paanī kā rañg uḌne lagā

nigāh-o-dil kī vus.at meñ hameñ tarmīm karnī hai
nazar kyā hai jo husn-e-yār se aage nahīñ jaatī

husn hai mashġhala-e-zulm ko gahrā parda
pas-e-parda hai añdherā mujhe ma.alūm na thā

ai shāh-e-husn mujh kuuñ tumhārī janāb meñ
muddat siiñ bandagī kā jo iqrār thā so hai

chāragarī bīmāri-e-dil kī rasm-e-shahr-e-husn nahīñ
varna dilbar-e-nādāñ bhī is dard kā chāra jaane hai

jo bahār gul pe rahī hai tul hameñ kyā jo husn kī pī hai mul
jinheñ chāhiye hai vo rashk-e-gul unheñ gul se kyā sarokār hai

mujh shāḳh-e-barahana pe sajā barf kī kaliyāñ
patjhaḌ pe tire husn kā ehsān hī rah jaa.e

zamāne vaale samajhte haiñ ham ko dīvāna
tumhāre husn ke jis vaqt giit gaate haiñ

bahut hasīn hai doshīzgī-e-husn magar
ab aa ga.e ho to aao tumheñ ḳharāb kareñ

husn-e-jānāñ kā haal kuchh yuuñ hai
chāñd Dhalte shabāb kī sūrat

karte haiñ chain baiThe husn-o-jamāl vaale
phirte haiñ maare maare kyā kyā kamāl vaale

hai ishq uu ḳhudā kā gar ishq hai javāñ meñ
hai husn uu usī kā gar husn hai mahan meñ

kyā husn thā ki aañkh lagī saaya ho gayā
vo sādgī kī maar, hayā kam bahut hī kam

aayā shabāb ruup pe husn-o-jamāl hai
is baaġh meñ bahār ne rañg ab jamā liyā

be-nigāh-e-lutf-e-sāqī kaam kuchh bantā nahīñ
husn-e-be-parvā se 'hāmid' iltijā karnā paḌī

ahl-e-dil ne hī bharam rakkhā ġhurūr-e-husn kā
varna tum bhī kah uThe the ab duā karnā paḌī

ham jo paḌheñ koī sher to kahnā sher se ham ko zauq nahīñ
'mīr'-hasan ke ghar meñ kahānī jā ke paḌhānī auroñ se

maah kyā hai ki jis se duuñ tashbīh
husn tū be-zavāl rakhtā hai

husn har naunihāl rakhtā hai
koī tujh sā jamāl rakhtā hai