Tags-Husn

liye phirī nigah-e-shauq saare aalam meñ
bahut hī jalva-e-husn aaj be-qarār huā

adā-e-ishq kī tasvīr khiñch ga.ī puurī
vufūr-e-josh se yuuñ husn be-qarār huā

hile na hoñT na āñkhoñ ne lab-kushā.ī kī
jabīn-e-husn pe kyuuñ paḌ ga.e haiñ bal pahle

husn vo chāhiye jo ishq kā ā.īna bane
ya.anī apne liye apnī hī tamannā hai mujhe

husn ko maiñ ḳhudā samajhtā huuñ
haa.e merā ḳhayāl kyā kahiye

samjhe hue the husn-e-azal jis ko ham 'shakīl'
apnā hī aks-e-ruḳh nazar aayā qarīb se

husn ko dekhā hai maiñ ne husn kī ḳhātir 'hafīz'
varna sab apnā hī meyār-e-nazar dekhā kiye

ye jo log mere qarīb haiñ ye kahāñ ke haiñ
vo jo husn-e-ḳhvāb-o-ḳhayāl the vo kahāñ ga.e

tumhārā husn ho yā merī shā.erī un ko
amar kiyā hai mohabbat kī ātmāoñ ne

hazāroñ ā.īne ho kar muqābil TuuT jaate haiñ
magar husn-e-azal kī shān-e-yaktā.ī nahīñ jaatī

dil meñ kasak aur lab par aaheñ aañkh meñ aañsū sar meñ saudā
husn kī duniyā ḳhandāñ ḳhandāñ ishq hai giryāñ apne vatan meñ

husn ke husn taġhāful se pareshān na ho
ġhaur se baat kahāñ koī hasīñ suntā hai

vo parda zīnat-e-dar ke sivā kuchh aur nahīñ
hamāre husn-e-nazar ke sivā kuchh aur nahīñ

abhī to husn ke pairoñ pe hai jabr-e-hinā-bandī
abhī hai ishq par ā.īn-e-farsūda kī pābandī

gul-e-bustāñ hai goyā ḳhār-e-sahrā
vasā jab husn kā gulzār hamnā

haqīqat husn kī ā.īna tujh par kyūñki ho jaatī
nazar terī to zulf-o-ḳhāl-o-abrū-e-butāñ tak hai

saarī nahīñ ye husn-e-mohammad kī raushnī
sūraj to un kā naqsh-e-kaf-e-pā dikhā.ī de

ishq hai us zulf kā sartāj aaj
hai rasūl-e-husn kī me.arāj aaj

javāñ hote hī le uḌā husn tum ko
parī ho ga.e tum to insān ho kar

maiñ jo royā un kī āñkhoñ meñ bhī aañsū aa ga.e
husn kī fitrat meñ shāmil hai mohabbat kā mizāj