Tags-Husn

harīf-e-bazm-e-tamāshā tirī nigāh nahīñ
vagarna husn to ḳhud tere intizār meñ hai

mus.haf-e-husn hai lo mukhḌā tirā hai vashshams
yaad rahtī hai mujhe nit usī sūrat kī tirī

ishq ko kuchh na de sakā ḳhairāt
husn ko bhī ġharīb dekhā hai

vo husn meñ kāmil haiñ to ham sabr meñ yaktā
tā umr kabhī zikr bhī un kā na kareñge

husn se ishq kī ḳhātir hai ḳhudā ne bhejā
karte haiñ 'ātish' use aa.e haiñ jis kaam ko ham

husn ḳhud taḌpā kiyā hai mujh ko taḌpāne ke ba.ad
sochnā paḌtā hai vo zālim hai yā mazlūm hai

jo bharī mahfil meñ nazroñ kī huī hai guftugū
husn ko ma.alūm hai yā ishq ko ma.alūm hai

vahī hai shor-e-hā.e-o-hū, vahī hujūm-e-mard-o-zan
magar vo husn-e-zindagī, magar vo jannat-e-vatan

'inshā'-jī use rok ke pūchheñ tum ko to muft milā hai husn
kis liye phir bāzār-e-vafā meñ tum ne ye jins girāñ kī hai

bārgāh-e-husn meñ ai 'barq' fart-e-ro.ab se
yaad hai ab tak vo apnī be-zabānī yaad hai

shikasta-dil hujūm-e-yās-o-hirmāñ le ke chaltā huuñ
huzūr-e-husn maiñ ye sāz-o-sāmāñ le ke chaltā huuñ

do-jahāñ kā husn le kar muntazir hai shaam khiḌkī par
shikasta-pursī nā-ummīd ashk āñkhoñ meñ bhar kar

jalva-e-husn-e-do-ālam hai usī darbār meñ
sañg-e-dar par un ke bas sar ko jhukā kar dekh lo

husn-e-ā.īna-e-ġhairat ko sañvārā ham ne
na liyā ishq meñ apnā bhī sahārā ham ne

na aa.ī baat tak bhī muñh pe ro.ab-e-husn-e-jānāñ se
hazāroñ soch kar mazmūn ham darbār meñ aa.e

har lahza shauq-e-husn meñ ye be-qarār hai
ab merā dil ke saath guzārā nahīñ rahā

jamāl-o-ḳhayāl-o-tāzgī, she.rī jamāl aur shai
goyā vo husn aur hai us kī sambhāl aur shai

sa.ī-e-paiham hai tarāzu-e-kam-o-kaif-e-hayāt
terī mīzāñ hai shumār-e-sahar-o-shām abhī

ashkoñ meñ us ke husn kī lau tairtī rahī
paanī ke āsmān pe mahtāb sā rahā