Collections

Lab Shayari

Motivational Ghazals

Best Khamoshi Shayari

More Collections

Tags-Husn

ye shabāb-e-husn ye husn-e-shabāb
hashr tak un par yahī aalam rahe

ye shabab-e-husn ye husn-e-shabab

ishq-e-rusvā ne dī afzūnī hijāb-e-husn ko
jo uThā parda yahāñ se us ne vaañ muñh par liyā

yar ko bebaki mein apna sa humne kar liya

ai husn-e-jalva-e-ruḳh-e-jānāñ kabhī kabhī
taskīn-e-chashm-e-shauq-e-nazārā kaheñ jise

qatra wahi ki ru-kash-e-dariya kahen jise

talḳhī-e-ġham mire ehsās kā sarmāyā hai
husn se maiñ ne ye in.ām-e-vafā paayā hai

talKHi-e-gham mere ehsas ka sarmaya hai

us husn kā sheva hai jab ishq nazar aa.e
parde meñ chale jaanā sharmā.e hue rahnā

bechain bahut phirna ghabrae hue rahna

husn ko husn banāne meñ mirā haath bhī hai
aap mujh ko nazar-andāz nahīñ kar sakte

apni miTTi ko sar-afraaz nahin kar sakte

ḳhudā ke zikr kā mauqa nahīñ yahāñ 'sālik'
dayār-e-hind meñ husn-e-butāñ kī baat karo

na mohtasib ki na hur-o-jinan ki baat karo

kaash us husn-e-ḳhud-ārā se koī jā ke kahe
zulf ko laakh sañvāre ye bikhar jā.egī

muskura doge to ye raat sanwar jaegi

mujhī ko parda-e-hastī meñ de rahā hai fareb
vo husn jis ko kiyā jalva-āfrīñ maiñ ne

mujhi ko parda-e-hasti mein de raha hai fareb

itne bhī na ham ḳharāb hote rahte
kaahe ko ġham-o-alam se rote rahte

کی حسن نے تجھ سے بے وفائی آخر

sun ai ġhurūr-e-husn tirā tazkira hai kyā
asrār-e-kā.enāt se āgāh ishq hai

har aah-e-sard ishq hai har wah ishq hai

shā.istagān-e-shahr mujhe ḳhvāh kuchh kaheñ
saḌkoñ kā husn hai mirī āvārgī ke saath

kuTiya mein kaun aaega is tirgi ke sath

nukta yahī azal se paḌhāyā gayā hameñ
havvā barā.e-husn hai aadam barā.e-ishq

nukta yahi azal se paDhaya gaya hamein

husn majbūr-e-jafā hai shāyad
ye bhī ik tarz-e-adā hai shāyad

husn majbur-e-jafa hai shayad

yahī be-nām paikar husn ban jā.eñge fardā kā
suḳhan mahke agar kuchh ishq kī ḳhushbū nikal aa.e

adakari mein bhi sau karb ke pahlu nikal aae

vo taġhāful-shi.ār kyā jaane
ishq to husn kī zarūrat hai

koi ruswai hai na shohrat hai

hamesha aag ke dariyā meñ ishq kyuuñ utre
kabhī to husn ko ġharq-e-azāb honā thā

hamesha aag ke dariya mein ishq kyun utre

husn kī ḳhud-numā.īyāñ tauba
muddatoñ ham bhī ḳhud-pasand rahe

mah-o-parwin tah-e-kamand rahe

vo rañg-o-nūr kā dariyā vo husn-o-hosh-rubā
nahīñ kuchh aur ye urdu zabāñ kā qissa hai

uruj-e-adam-e-KHaki kahan ka qissa hai

vo ba-rañg-e-ā.īna sāf-dil vo faroġh-e-fitrat-e-āb-o-gil
ki jihād-e-nafs ne mustaqil use aur husn-e-jilā diyā

gandhi