Tags-Husn

bosa jo talab maiñ ne kiyā hañs ke vo bole
ye husn kī daulat hai luTā.ī nahīñ jaatī

mazlūm-e-husn huuñ so na tanhā samajh mujhe
jis kā nahīñ hai koī to us kā ḳhudā bhī hai

ḳhud jis ke sāmne siper-andāḳhta hai husn
aisī bhī ik nigāh kiye jā rahā huuñ maiñ

husn-e-muḳhtār hai har baat ravā hai is ko
fitrat-e-ishq to pāband-e-vafā Thahrī hai

kuchh to us husn meñ rakhī hai ḳhudā ne tāsīr
aur kuchh logoñ ko betāb bahut dekhtā huuñ

javānī-o-husn-o-jāh-o-daulat ye chand anfās ke haiñ jhagḌe
ajal hai istāda dast-basta naved-e-ruḳhsat har ek dam hai

ab to ham shahr-e-nigārāñ se chale aa.e haiñ
bā.is-e-vahshat-e-dil husn-e-butāñ kyā hogā

nazar meñ aa.e bahut se saje bane chehre
magar jo husn tirī sādgī meñ likkhā thā

shoḳhī-e-husn ke nazzāre kī tāqat hai kahāñ
tifl-e-nādāñ huuñ maiñ bijlī se dahal jaatā huuñ

husn agar āshkār ho jaa.e
fitna-e-rozgār ho jaa.e

tafrīq husn-o-ishq ke andāz meñ na ho
lafzoñ meñ farq ho magar āvāz meñ na ho

bikhartī zulf se TuuTe ġhurūr-e-shab kā tilism
sahar kā husn fusūn-e-ruḳh-e-nikū māñge

ḳhāl-o-ḳhat se aib us ke rū-e-aqdas ko nahīñ
husn hai mus.haf meñ honā nuqta-e-e.arāb kā

jab se ma.anī-bañdī kā charchā huā ai 'mus.hafī'
ḳhalte meñ jaatā rahā husn-e-zabān-e-reḳhta

hai jahān-e-rañg-o-bū meñ husn jis kā intiḳhāb
us kā honā bazm meñ jalva-numā achchhā lagā

mahmūd huā hai husn sāhab
pahle mujh ko ayaaz kiije

ne.amat-ḳhvān-e-husn jo mil jaa.e
ye samajh le hai mann-o-salvā luuT

daulat-e-husn kī bhī hai kyā luuT
āñkhoñ ko paḌ ga.ī hai lūTā-lūT

husn bhī hech sāmne jis ke
mere hisse meñ vo balā aa.ī

peshānī pe sayyāl nagīna kyuuñ hai
girdāb meñ husn kā safīna kyuuñ hai