Tags-Husn

husn-e-mutlaq hai kyā kise ma.alūm
ibtidā intihā kise ma.alūm

maiñ ne kī jāma-darī aur unheñ shikva hai
kar diyā chaak mire husn kā pardā tū ne

chāñd kā husn bhī zamīn se hai
chāñd par chāndnī nahīñ hotī

ishq ko arz-e-tamannā meñ bhī lākhoñ pas-o-pesh
husn ke vāste inkār bhī āsāñ ho jaa.e

pāk-bāzān-e-mohabbat meñ jo bebākī hai
husn gar us ko samajh le to pashemāñ ho jaa.e

ishq ab bhī hai vo mahram-e-be-gāna-numā
husn yuuñ laakh chhupe laakh numāyāñ ho jaa.e

kahtā hai rañg-e-ruḳh se tire jauhar-e-sharāb
khilte haiñ husn-e-shoḳh ke jauhar sharāb meñ

saaf tasvīreñ nazar aatī haiñ husn-o-ishq kī
tujh ko mere ijz meñ aur mujh ko tere naaz meñ

ai shahsavār-e-husn ye dil hai ye merā dil
ye terī sar-zamīñ hai qadam naaz se uThā

husn aur mā.il-e-karam tauba
ye muqaddar kisī kisī kā hai

husn ho majbūr kañkar toḌne ke vāste
dast-e-nāzuk aur patthar toḌne ke vāste

ḳhud-bīñ thā mizāj-e-husn magar dāmān-e-mohabbat chhū hī gayā
andāz-e-taġhāful kuchh bhī sahī kuchh un kī nazar farmā hī ga.ī

husn vo khilkhilātā rahā
ishq par bad-havāsī sī rahī

koī raakh patañgoñ vaalī ho
jale husn kā sho.ala o maahī

husn ho ishq kā ḳhūgar mujhe rahne dete
tum ho manzar pas-e-manzar mujhe rahne dete

ye sochtā huuñ vo kyā husn-kār tesha thā
jo aaise naqsh atā kar gayā chaTānoñ ko

ham pe husn-e-hurūf hai zaa.e.a
ham ziyārat pe hai ma.ānī kī

jalvoñ kā taqāzā nahīñ kartī nazar un kī
rahtī hai jinheñ husn kī dīvāna-garī yaad

suno vo daur bhī aa.egā 'kāñhā'
takegā husn jab bechārgī se

nigāh-e-husn kī tāsīr ban gayā shāyad
ḳhayāl-e-zehn meñ zanjīr ban gayā shāyad