Tags-Husn

hai bazm-e-jahāñ meñ nā-mumkin be-ishq salāmat husn rahe
parvāne to jal kar ḳhaak hue ab sham.a bhī jaltī jaatī hai

tauhīn-e-mohabbat bhī na rahī vo jaur-o-sitam bhī chhūT ga.e
pahle kī ba-nisbat husn kī ab har baat badaltī jaatī hai

kisī ke husn kī bas ik kiran hī kaafī hai
ye log kyuuñ mire aage haiñ sham.a laa.e hue

pur-asar niklī karishma-sāzī husn-e-talab
kal talak jo ġhair thā vo aaj apnā ho gayā

husn-e-be-parvā ne jab chāhā huvaidā ho gayā
aur jab chāhā zamāne-bhar se pardā ho gayā

charāġh-e-mah siiñ raushan-tar hai husn-e-be-misāl us kā
ki chauthe charḳh par ḳhurshīd hai aks-e-jamāl us kā

husn hai kāfir banāne ke liye
ishq hai īmān laane ke liye

vasl hai ik shahsavār-e-husn se shām-o-sahar
hai inān-e-ablaq-e-gardūñ hamāre haath meñ

gesu-e-pur-ḳham hue un ke pareshāñ sog meñ
mere marne se dayār-e-husn meñ mātam huā

husn meñ ḳhud-raftagī hai to nahīñ maan.e hijāb
bū-e-gul ko phāñdnā kyā baaġh kī dīvār kā

paatā huuñ shauq-e-vasl meñ ahbāb kī kamī
husn-o-jamāl-e-yār meñ kuchh farq paḌ gayā

sarisht-e-husn kā tabdīl honā ġhair-mumkin hai
sarisht-e-ishq meñ jis vaqt tak armān baaqī hai

chashm-e-ġhazāl-o-husn-e-ġhazal kā bayāñ rahe
kuchh aisī baat jo pai-e-taskīn-e-ġham to ho

husn dikhlā degā ai but tujh meñ shaan allāh kī
tere aage aalam apnī iltijā jā.egā

ustuḳhvāñ ujrat meñ deñge ham faqīr ai shāh-e-husn
arzī apne shauq kī tujh tak humā le jā.egā

kuchh is tarah se faash huā vo ki aa.ina
har aks rāz-e-husn-o-adā tak pahuñch gayā

dast-e-junūñ jo band-e-qabā tak pahuñch gayā
josh-e-bahār husn-e-sabā tak pahuñch gayā

garm haiñ shor se tujh husn ke bāzār ka.ī
rashk se jalte haiñ yūsuf ke ḳharīdār ka.ī

husn se aañkh laḌī ho jaise
zindagī chauñk paḌī ho jaise

kal yahī chehre bahār-e-husn kī pahchān the
aaj un chehroñ se gard-e-umr uḌtī hai miyāñ