Tags-Husn

husn dekhā to uñgliyāñ kāTīñ
kyā kareñge agar ḳhudā dekhā

nayā husn dekhtā huuñ ḳham-e-shāḳh-e-har-shajar par
ye bahār apne tan se jo libās utārtī hai

rañg mahfil kā ajab ho gayā jis dam us ne
ḳhāmushī ko bhī mirī husn-e-talab batlāyā

tumhāre husn se rahtī hai ham-kanār nazar
tumhārī yaad se dil ham-kalām rahtā hai

daur meñ husn-e-bayāñ ke ham ne dekhā bār-hā
ruḳh se ghabrāyā hai din zulfoñ se ghabrā.ī hai raat

zohd-o-vara.a par bhuul na zāhid husn kā munkir ho na divāne
san.āñ se ko le gayā ġhāfil ek adā meñ ishva-e-tarsā

madh meñ bharā hai jauban ke vo husn se us ke Tapke hai mastī
chāh-e-zaqan hai jām-e-bilorīñ aur ġhabġhab hai shīsha-e-sahbā

dekh tajallī husn kī tere koh bahe jab ho kar paanī
dīvānā sā bhāgā vohīñ chaak garebāñ kar ke dariyā

diye kī lau se chhalaktā hai us ke husn kā aks
siñgār karte hue ā.īna sajāte hue

haa.e vo husn-e-yaqīñ aah vo ummīd-e-karam
muntazir thā tirā bīmār sahar hone tak

rah ga.iiñ jam ke ye kis par mirī nazreñ 'muztar'
rū-ba-rū aaj vahī husn-e-mujassam to nahīñ

sach to ye hai 'majāz' kī duniyā
husn aur ishq ke sivā kyā hai

us sabza-rañg kī hai garmī-e-husn goyā
chamke hai mahr dekho zer-e-sahāb kyūñkar

tirī rū-poshiyāñ ai husn kab be-kār jā.eñgī
yahī parda ayaañ aalam meñ terī shaan kar degā

le gayā vo saath apne husn saarā shaam kā
hijr kī tasvīr hai ab har nazāra shaam kā

qayāmat raag zālim bhaav kāfir gat hai ai pannā
tumhāre husn so dekhe so ik aafat hai ai pannā

jise dekhā vo dīvāna thā naqsh-e-dilnashīñ ke husn-e-ādil kā
jise sochā fanā ke rañg kī tafsīr thā kal shab jahāñ maiñ thā

husn ko bhī kahāñ nasīb 'jigar'
vo jo ik shai mirī nigāh meñ hai

kyā kashish husn-e-be-panāh meñ hai
jo qadam hai usī kī raah meñ hai

maiñ raag chheḌtā huuñ īmā-e-husn pā ke
dekho to merī jānib ik baar muskurā ke