Collections

Lab Shayari

Motivational Ghazals

Best Khamoshi Shayari

More Collections

Tags-Identity

shanāḳht jis se zamāne meñ aadmī kī hai
ye iltijā hai ki tū mujh ko vo ḳhudī denā

junun-e-shauq-e-mohabbat ki aagahi dena

koī kar saktā nahīñ firqa-parastoñ kī shanāḳht
ek do kyā Toliyoñ kī Toliyāñ dehlī meñ haiñ

dilli mein hain

basī jo aa ke zamīñ meñ 'samad' shanāḳht mirī
mire badan meñ sajā kar havās chhoḌ ga.ī

wo aarzu ki dilon ko udas chhoD gai

har ek aañkh meñ ḳhud ko talāsh karte haiñ
abhī shanāḳht 'talab' gum-shuda hamārī bhī hai

qusur-war jo tum ho KHata hamari bhi hai

dushvār ho ga.ī hai ab apnī shanāḳht bhī
ā.īna kah rahā hai ki chehra ajiib hai

ai shauq-e-dil bhi ek muamma ajib hai

yaad aa.ī to hai shanāḳht magar
intihā ho ga.ī hai ġhaflat kī

tumne sach bolne ki jurat ki

ye shirk afyūn ban ke ḳhuuñ meñ ghulā huā hai
hujūm-e-manzil meñ ab safar kī shanāḳht

kitab gumrah kar rahi hai

ajiib baat hai mujh se mirā hī ā.īna
mirī shanāḳht kā koī nishān chāhtā hai

safar ye mera ajab imtihan chahta hai

ye faisla huā mirī shanāḳht ā.īna kare
magar ye kis kā aks hai jo darmiyān aa gayā

safar ki ibtida hui ki tera dhyan aa gaya

na.ī zamīñ pe khilāte rahe shanāḳht ke phuul
jahāñ rahe vahāñ apnī zabāñ ke saath rahe

usi zamin usi aasman ke sath rahe

zarā.e jo the mayassar hue ġhubār-e-shanāḳht
darūñ se chashm-e-darūñ nā-shanās rahne lagī

makan-e-KHwab mein jangal ki bas rahne lagi

kyā yahī hai shanāḳht 'shā.istā'
maañ ne jo rakh diyā thā naam apnā

bas wahi lamha aankh dekhegi

inkār ab tujhe bhī hai merī shanāḳht se
lekin na bhuul ye tirī pahchān maiñ bhī huuñ

jina hai sab ke sath ki insan main bhi hun

'kamāl' ab to adū kī shanāḳht mushkil hai
har ek bam se falītā nahīñ nikaltā hai

wo ek hasin kabhi tanha nahin nikalta hai

shanāḳht kar na sakā ā.ina-nazar bhī use
har ek shāḳh-e-badan laḳht laḳht aisī thī

kuchh ab ke jang pe uski giraft aisi thi

mujhe shanāḳht karo mere shāhkāroñ meñ
maiñ ḳhāl-o-ḳhat se ziyāda hunar meñ rahtā huuñ

hadaf hun dushman-e-jaan ki nazar mein rahta hun

vajūd rakhnā thā apnī shanāḳht kho kar bhī
nadī ne ḳhud ko samundar kī samt moḌā thā

junun mein ret ko yun hi nahin nichoDa tha

apnī alag shanāḳht bhī 'imrran' ho zarūr
vo shaḳhs apnī ziist meñ shāmil bhī chāhiye

us ka badan bhi chahiye aur dil bhi chahiye

apnī shanāḳht ye hai ki ghar hai na dar magar
dīvār-o-dar pe naam likhāne kī aarzū

ye ruashni-e-taba dikhane ki aarzu

shanāḳht kī ye kahānī bas ek nasl kī hai
phir is ke ba.ad fasāne idhar udhar se haiñ

tamam rishte usi shaKH-e-be-samar se hain