Tags-Ilm

ye mahallāt-e-shāhī tabāhī ke haiñ muntazir
girne vaale haiñ un ke alam sabr kar sabr kar

ilm-o-hunar ko kaam meñ laao mustaqbil kī fikr karo
haal meñ maazī kī bhūloñ par pachhtāne se kyā hogā

jis par tamām-umr bahut naaz thā mujhe
merā vo ilm merī sifārish na ban sakā

ḳhatrā-e-bisyār-dānī kī qasam
ilm meñ bhī kuchh kamī darkār hai

atā kī hai ḳhudā ne ilm kī daulat agar tujh ko
saḳhāvat kar saḳhāvat ye ḳhazāna kam nahīñ hotā

ye hai ḳhulāsa-e-ilm-e-qalandarī ki hayāt
ḳhadañg-e-jasta hai lekin kamāñ se duur nahīñ

tum in ko ilm do lekin ye ehtiyāt rakho
ho bhārī basta to bachchoñ pe bojh paḌtā hai

zikr-e-ilm-o-adab na chheḌ 'anjum'
hazrat-e-'fauq' yaad aate haiñ

sahar kī manzil-e-raushan pe jā pahuñche vo dīvāne
shab-e-tārīk meñ jo nuur kā le kar alam nikle

dekhūñ vo kartī hai ab ke alam-ārā.ī ki maiñ
hārtā kaun hai is jañg meñ tanhā.ī ki maiñ

jahān-e-ilm kā yaaro ajiib hai dastūr
ki madrase to bahut haiñ nisāb koī nahīñ

hameñ baḌoñ ne yahī kahā thā ki lā hī sach hai so ghar kī chhat par
kisī jamā.at kisī ḳhudā kā alam nahīñ hai to kyā ġhalat hai

ilm meñ jhīñgur se baḌh kar kāmrāñ koī nahīñ
chaaT jaatā hai kitābeñ imtihāñ koī nahīñ

ilm se jis ke mujhe mil sake manzil kā nishāñ
vaqt ne mujh se vahī baat chhupā rakkhī hai

ik diyā ho jis meñ ilm-o-dīñ hunar kā tel ho
ho charāġh aisā to phir ghar ghar meñ jalnā chāhiye

dekhā maiñ saath Dhol ke suulī par un kā sar
faḳhriyya vo jo phirte the tabl-o-alam ke saath

aḳhlāq se jahl ilm-o-fan se ġhāfil
mazmūñ jo dekheñ to misl-e-ḳhat bātil

hai nasb meñ aalī agar rakhtā na ho ilm-o-hunar
ik Dher se bhī hai batar vo zaat hai kis kaam kī

hamārā lāsha bahāo varna lahad muqaddas mazār hogī
ye surḳh kurtā jalāo varna baġhāvatoñ kā alam banegā

ye tamāshā-e-ilm-o-hunar dosto
kuchh nahīñ hai faqat kāġhzī vahm hai