Tags-Ilm

maiñ samajhtā thā tū hai apne husn se be-ḳhabar
tirī ik adā ne batā diyā tujhe ilm hai

koī baat hai ki kināra-kash huuñ jahān se
kabhī mahfiloñ kī maiñ jaan thā tujhe ilm hai

maiñ ne baḳhsh dī tirī kyuuñ ḳhatā tujhe ilm hai
tujhe dī hai kitnī kaḌī sazā tujhe ilm hai

ab aage alam aur koī hāthoñ se le le
ham shab ke musāfir the chale tā-ba-sahar aa.e

husūl-e-ilm mirā mudda.ā hai ai 'abrār'
isī liye huuñ kitāboñ meñ aur luġhāt meñ gum

tum ḳhāmosh rahnā
aur haañ zabān kā ilm apne saath lete jaao

jo ek dast-e-burīda savād-e-shauq meñ hai
alam uThā.e hue us ke shāne lagte haiñ

ilm o tahzīb tārīḳh o mantiq log socheñge in mas.aloñ par
zindagī ke mashaqqat-kade meñ koī ahd-e-farāġhat to aa.e

har ilm o yaqīñ hai ik gumāñ ai saaqī
har aan hai ik ḳhvāb-e-girāñ ai saaqī

zarā aage chaloge to izāfa ilm meñ hogā
mohabbat pahle pahle be-zarar mahsūs hotī hai

agar tujhe ilm hī na hotā to phir kabhī ham gila na karte
sukūn kyuuñ chhin gayā hamārā tujhe ḳhabar hai sitam to ye hai

rāh-e-hayāt pur-ḳhatar naqd-e-hayāt muḳhtasar
ishq ko be-asar kahūñ ilm ko be-amal kahūñ

ilm-o-hunar sadāqat-o-mehr-o-vafā ḳhulūs
bāzār meñ kisī kī bhī qīmat nahīñ rahī

ilm o hikmat kī tamannā hai na kaunain kā ġham
mere shīshe meñ hai baaqī mai-e-gulfām abhī

na 'zīshān' āgahī puurī huī umreñ huiiñ puurī
na hogā ilm kā koī kinārā ham na kahte the

urūj-e-vaqt pe jaane meñ der lagtī hai
har ek ilm ko paane meñ der lagtī hai

batā is daur meñ iqbāl-'sājid' kaun niklegā
sadāqat kā alam le kar agar tū bhī nahīñ niklā

vajah-e-ilm-e-zāt ho kyūñkar na irfān-e-sifat
kyā arz kī shaan jab jauhar se ḳhālī ho gayā

ai khile phuul ke shaidā.ī tujhe ilm nahīñ
kitne zū-ma.anī tarīqe se kalī boltī hai