Tags-Imprisonment

mirī āvārgī har qaid se be-zār hai shāyad
ki ab us kī galī meñ bhī guzar hotā hai kam merā

sar-e-dīvār-e-zindāñ chāñdnī chhantī thī pattoñ se
diyā thā qaid meñ kyā lutf aisī shab ke manzar ne

ham aaj terī qaid se āzād ho ga.e
ai zindagī ab aur hī zindāñ sajā ke lā

nāmūs-e-gulistāñ kā taqāzā sahī kuchh bhī
ḳhushbū to magar qaid na karne ke liye hai

haq-navā.ī kā samajhtā huuñ ise maiñ in.aam
qaid-o-zindāñ rasan-o-dār se vāqif maiñ huuñ

hastī meñ tark kījiye zulfoñ ke ishq ko
zanjīreñ dohrī toḌiye qaid-e-hayāt meñ

be-aql ho ke aa ga.e hastī kī ghaat meñ
dīvāne ban ke phañs ga.e qaid-e-hayāt meñ

hastī kī qaid se dil-e-betāb chhup gayā
machhlī na Thahrī bāzū-e-sham-e-hayāt meñ

umr bhar donoñ ko qaid-e-bāhamī kī dī sazā
vo jo iġhvā kā muqadma thā so faisal ho gayā

zehn mirā āzād hai lekin dil kā dil muTThī meñ
aadhā us ne qaid rakhā hai aadhā chhoḌ diyā hai

ho chuke haiñ sil baazū hai na himmat-e-parvāz
ham rihā na ho paa.e qaid se rihā ho kar

na safar ba-shart-e-ma.āl hai na talab ba-qaid-e-savāl hai
faqat ek serī-e-zauq ko maiñ bhaTak rahā huuñ kahāñ kahāñ

rahūñ āzād na ho qaid-e-maqāmī mālik
dil badalnā ho mirā shaġhl-e-davāmī mālik

gūñjte garajte hue rāste par ek aurat
ghar kī qaid se bhāgī huī aurat

ba.ad us ke jo agar samjhe munāsib ai dil
qaid hone ke ta.iiñ chāh-e-zanaḳhdān meñ aa

dhaḌakte dil ko tum āb-e-ravāñ samajhte raho
mujhe to qaid meñ patthar dikhā.ī detā hai

jab mai-kada chhuTā to phir ab kyā jagah kī qaid
masjid ho madrasa ho koī ḳhānqāh ho

sāhiloñ kī qaid se āzād ho saktā hai tū
apne dariyā meñ koī tūfāñ uThā merī tarah

yahī hai rāz-e-āzādī jahāñ tak yaad hotā hai
ki nazreñ qaid hotī haiñ to dil āzād hotā hai

jis kī tahoñ meñ ḳhud hī machaltī haiñ āñdhiyāñ
maiñ ḳhvāhishoñ ke aise samundar meñ qaid thā