Tags-Insaan

ik ruuh jo insān ko insān banā de
ik dard jo jazbāt ko īmān banā de

farishte se baḌh kar hai insān banñā
magar is meñ lagtī hai mehnat ziyāda

jāda-e-zīst pe insān ke aage pīchhe
hādse ghūmte rahte haiñ qazā kī sūrat

sabhī 'imrran' kī sūrat nahīñ hote haiñ duniyā meñ
har ik insān ko dil meñ basāyā bhī nahīñ jaatā

na jiitā hai na martā hai ajab insān hai 'rāhat'
na.ī bīmāriyoñ meñ ab ye bīmārī bhī shāmil hai

ab to maz.hab koī aisā bhī chalāyā jaa.e
jis meñ insān ko insān banāyā jaa.e

katrā rahe haiñ aaj ke suqrāt zahr se
insān maslahat kī adāoñ meñ kho gayā

banī-nau-e-insān
tumhāre liye yahī behtar hai ki

insān hai jahāñ meñ vahī aadmī ki jo
zālim nahīñ harīs nahīñ aib-bīñ nahīñ

paanī se ulajhte hue insān kā ye shor
us paar bhī hogā magar is paar bahut hai

aalam ke muraqqe ko kiyā sair maiñ lekin
is meñ bhī koī sūrat-e-insān na niklī

bahut duur insān TheThukā huā hai
use ek shola nazar aa rahā hai

maiñ to insān huuñ tum jaisā huuñ Thahro logo
mujh pe ilzām lagāo na rasūloñ jaisā

pahle barbād to kar le ye zamīñ kā chehra
phir ye insān kisī aur nagar jā.egā

is qadar maut ke sāmāñ kā hai ambār lagā
kal kā insān jo dekhegā to Dar jā.egā

do bachchoñ ke baap.. to kyā hai? ''dil kā ho insān javān''
tum bhī aise ban jaao nā jaise ''mañjhle bhaa.ī jān...''

kaun vo log the ab yaad nahīñ aatā hai
koī insān koī shaitāñ koī chehra koī naam

ham se bhī gaahe gaahe mulāqāt chāhiye
insān haiñ sabhī to musāvāt chāhiye

insān hai ḳhud itnā kasīr-ul-atrāf
insān ko insāñ nazar aatā nahīñ saaf

taḳhrīb-e-kā.enāt hai insān-dushmanī
'sartāj' kah rahe haiñ ye har aadmī se ham