Tags-Intezar

gar dekhiye to ā.īna-e-qad-numā kī shakl
sūrat maiñ ban rahā huuñ tamām intizār kī

gar intizār kaThin hai to jab talak ai dil
kisī ke vāda-e-fardā kī guftugū hī sahī

umr bhar ishq kā fareb rahā
kab hameñ apnā intizār na thā

qayāmat aa chukī dīdār-e-haq huā sab ko
ham ab talak bhī tirā intizār rakhte haiñ

hai kis kā intizār ki ḳhvāb-e-adam se bhī
har baar chauñk paḌte haiñ āvāz-e-pā ke saath

na intizār karo in kā ai azā-dāro
shahīd jaate haiñ jannat ko ghar nahīñ aate

huī thī is liye tāḳhīr tum se milne meñ
ḳhud apnā bhī to mujhe intizār karnā thā

dil jo na thā to raat za-ḳhud-raftagī meñ 'mīr'
gah intizār o gaah mujhe iztirāb thā

ā.īne jab yaqīn ke be-āb ho ga.e
āñkhoñ se intizār kī parteñ utar ga.iiñ

ek din lauT kar maiñ ā.uñgā
ho sake intizār kar lenā

maiñ ḳhaak ḳhud tujhe labbaik kahne vāloñ meñ
mujhe bulāvā na de merā intizār na kar

ga.ī aadhī raat guzar magar na to aa.e ḳhud na lī kuchh ḳhabar
maiñ taḌap rahā huuñ idhar udhar yūñhī intizār meñ shaam se

khile hue haiñ umīdoñ ke phuul dil meñ magar
guzar na jaa.e kahīñ intizār kā mausam

maiñ ḳhud bhī milne ko bechain huuñ ye jab se sunā
mirī talāsh meñ hai intizār kā mausam

kisī ke raste pe kaise nazreñ jamā.e rakkhūñ
abhī to karnā mujhe hai ḳhud intizār merā

khulī khiḌkiyoñ ke flat se zarā jhāñk shaam ko road par
tire intizār kī manzileñ haiñ mirī kamand ke sāmne

ye intizār nahīñ sham.a hai rifāqat kī
is intizār se tanhā.ī ḳhūb-sūrat hai

ġhazab huā ki sahar se hī pahle dil Duubā
abhī kuchh aur shab-e-intizār honā thā

fareb-ḳhurda-e-paimān-e-yār honā thā
rahīn-e-kashmakash-e-intizār honā thā