Tags-Ishq

naubateñ nāla-e-ruḳhsat kā patā detī haiñ
mātam-e-ishq kī āvāz hai naqqāroñ meñ

tirā husn bhī bahāna mirā ishq bhī bahāna
ye latīf isti.āre na samajh sakā zamāna

isī ko jalva-e-īmān-e-ishq kahte haiñ
hujūm-e-yās meñ bhī aas paa.ī jaatī hai

ishq kar ke dekh lī jo bebasī dekhī na thī
is qadar uljhan meñ pahle zindagī dekhī na thī

fart-e-alam se aah kiye jā rahā huuñ maiñ
ai ishq kyā gunāh kiye jā rahā huuñ maiñ

husn hai maġhrūr dil saudā.ī hai
ishq aur nafrat meñ hāthā-pā.ī hai

ishq meñ jalte haiñ raushan hai ye un par.....
sham.a ko tarz sikhāyā hai dil-afrozī kī

safar-e-ishq meñ kī zo.af ne rāhat-talabī
har qadam saa.e ko maiñ apne shabistāñ samjhā

ham ne vahshat-kada-e-bazm-e-jahāñ meñ juuñ sham.a
sho.ala-e-ishq ko apnā sar-o-sāmāñ samjhā

maiñ ba-sad-shauq giraftār-e-rah-e-ishq huā
varna kuchh log yahāñ apnī ḳhatā se aa.e

sirf taqlīd se hī qais nahīñ ban sakte
ya.anī is ishq kā karnā bhī atā se aa.e

nigāheñ bāda-e-ruḳh se ḳhumār-āmez hotī haiñ
sharābī kī tarah jab jhūmtī haiñ ishq kī nabzeñ

jab dil hī nahīñ hai pahlū meñ phir ishq kā saudā kaun kare
ab un se mohabbat kaun kare ab un kī tamannā kaun kare

sahrā ko chhoḌ deñ to kahāñ jā ke ye raheñ
āvārgān-e-ishq-o-mohabbat kā ghar bhī hai

nahīñ ye rasm-e-mohabbat ki ishtibāh karo
kiyā hai ishq to har haal meñ nibāh karo

nahīñ hai ishq to phir zindagī meñ kuchh bhī nahīñ
kisī se ishq karo aur be-panāh karo

shi.ār-e-husn kī tauqīr kā taqāzā hai
marīz-e-ishq se tajdīd-e-rasm-o-rāh karo

milegī ishq kī un meñ bhī kār-farmā.ī
vo hādse jo kisī aur naam par hoñge

naġhma ulfat kā gā diyā maiñ ne
ishq ko jagmagā diyā maiñ ne

ishq kyā kār-e-havas bhī koī āsān nahīñ
ḳhair se pahle isī kaam ke qābil ho jaao