Tags-Ishq

ishq par āfrīñ jo salāmat rahā
us bikhartī huī surma.ī shaam meñ

saudā.ī ho to rakkhe bāzār-e-ishq meñ pā
sar muft bechte haiñ ye kuchh chalan hai vaañ kā

vo kārvān-e-gul-e-tāza jis ke muzhde se
dimāġh-e-ishq mo.attar hai aur fazā māmūr

mujh ko ḳhud apnī javānī kī qasam hai ki ye ishq
ik javānī kī sharārat ke sivā kuchh bhī nahīñ

mushkilāt-e-ishq kā uqda na phir bhī vā huā
nāma-bar aatā rahā aur nāma-bar jaatā rahā

maiñ to zabāñ pe laayā nahīñ terā naam bhī
kyuuñ ishq merā bā.is-e-tash.hīr ho gayā

ahd-e-pīrī meñ ġhazal 'tarzī' miyāñ aisī javāñ
ishq meñ kis ke bhalā itne bhī rusvā aap haiñ

mire dil meñ basne vaale tujhe kaise bhuul jā.ūñ
tirā ishq merā maz.hab tirī yaad zindagī hai

ishq itnā bhī hai kaafī ki tujhe chāhtā huuñ
itnā hāsil hai to kyā kuchh nahīñ hāsil mujh ko

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

āḳhirī ishq ke āġhāz pe dam toḌtā huuñ
maiñ koī dam-damā-dam-dam nahīñ kartā is meñ

mujh gumnām se pūchhte haiñ farhād o majnūñ
ishq meñ kitnā naam kamāyā jā saktā hai

ḳhvāb āñkhoñ meñ nahīñ dil meñ tamannā bhī nahīñ
ishq māyūs huā ho magar aisā bhī nahīñ

ai mazāhib ke ḳhudā terī mashiyyat jo bhī ho
ishq ko dīgar ḳhudā dīgar mashiyyat chāhiye

ishq to apne lahū meñ hī sañvartā hai so ham
kis liye ruḳh pe koī ġhāza lagā kar dekheñ

hai ḳhusrav-e-ishq kā ye farmāñ ki dil lagānā nahīñ hai āsāñ
jise ho kū-e-butāñ kā armāñ vo kū-ba-kū ho ḳharāb pahle

aayā hayāt-e-ishq kī azmat kā jab ḳhayāl
baḌh kar sadā dī maiñ ne sar-e-dār dosto

ishq ke afsāne kyā haiñ sharh-e-husn-e-yār hai
aa.ine go muḳhtalif haiñ ek hī dīdār hai

ai ta.ālallāh kaisā ishq kā āzār hai
dil bhī raushan ho gayā hai ruuh bhī bedār hai

manziloñ pīchhe haiñ rāh-e-ishq meñ farhād-o-qais
ye hañseñ us ko ab aisī merī rusvā.ī huī