Tags-Ishq

āfat-e-jāñ hai koī parda-nashīñ
ki mire dil meñ aa chhupā hai ishq

bul-havas aur lāf-e-jāñ-bāzī
khel kaisā samajh liyā hai ishq

vasl meñ ehtimāl-e-shādi-e-marg
chārāgar dard-e-be-davā hai ishq

sūjhe kyūñkar fareb-e-dildārī
dushman-āshnā-numā hai ishq

kis malāhat-sirisht ko chāhā
talḳh-kāmī pe bā-mazā hai ishq

ham ko tarjīh tum pe hai yaanī
dilrubā husn o jāñ-rubā hai ishq

dekh hālat mirī kaheñ kāfir
naam dozaḳh kā kyuuñ dharā hai ishq

dekhiye kis jagah Dubo degā
merī kashtī kā nāḳhudā hai ishq

ab to dil ishq kā mazā chakkhā
ham na kahte the kyuuñ burā hai ishq

aap mujh se nibāheñge sach hai
bā-vafā husn o bevafā hai ishq

maiñ vo majnūn-e-vahshat-ārā huuñ
naam se mere bhāgtā hai ishq

qais o farhād o vāmiq o 'momin'
mar ga.e sab hī kyā vabā hai ishq

ālam-e-nazā meñ palkoñ pe larazte aañsū
ishq kā āḳhirī paiġhām ilāhī tauba

intihā ishq kī hai ā.ina-e-dil pe mire
mā-sivā us ke koī aks ubhartā hī nahīñ

ishq huā nahīñ mujhe ishq ko ho gayā huuñ maiñ
utnā nahīñ bachā huā jitnā paḌā huā huuñ maiñ

kise ḳhabar thī ki is raushnī kī chādar meñ
hamārā ishq meñ phūloñ se rābta hogā

ishq meñ zindagī basar karnā
aql ko ḳhud-kushī sā lagtā hai

ai havā-e-chaman mujh pe ehsāñ na kar nik.hat-e-gul kī mujh ko zarūrat nahīñ
ishq kī raah meñ pyaar ke itr se mere saare badan ko vo mahkā gayā

ishq meñ ye nādānī karnī paḌtī hai
us ke naam javānī karnī paḌtī hai

ho ġhalla-e-ḳhilqat se na saudā-e-mohabbat
hai ishq kī dukkān so baniye kī nahīñ haaT