Tags-Ishq

hamārī sī mohabbat tum ko ham se ho to kyā guzre
banā de sham.a ko bhī ishq parvāna to kyā hogā

kyā kahā ishq jāvedānī hai!
āḳhirī baar mil rahī ho kyā

ishq aatā hai fauj-e-ġham le kar
tujh kuuñ kahtā huuñ hosh, jaatā rah

mansab-e-ishq hai agar tujh kuuñ
naubat-e-āh kuuñ bajātā rah

ishq nuqsān kā saudā thā 'zafar' mere ba.ad
jaane bardāsht kiyā merā ḳhasāra kis ne

garche mīrās hai valiyoñ kī magar kyā kahiye
yaar ḳhāmosh raho ishq meñ rusvā.ī hai

ye zan-e-naġhma-gar-o-ishq-shi.ār
yās-o-hasrat se huī hai hairāñ

be-tab-o-tāb-e-shuā-e-āgahī
ishq kahiye jis ko vo sho.ala bhī kyā

ishq mohlat hī nahīñ detā jahāñ-dāri kā
har tamannā to usī zaat pe ruk jaatī hai

beḌiyāñ toḌ kar samājoñ kī
ishq meñ qaid haiñ divāne do

aur tahzīb-e-ġham-e-ishq nibhā deñ kuchh din
āḳhirī vaqt meñ kyā apne chalan ko bhūleñ

vaqār-e-ishq yuuñ bhī sham.a kī nazroñ meñ kuchh kam hai
patiñge ḳhud chale aate haiñ bulvā.e nahīñ jaate

gunāh-e-ishq kiyā aur koī sazā na huī
zarūr tum ne subūtoñ se chheḌḳhānī kī

ashkoñ se apne dil ko hikāyat dāman par irqām karo
ishq meñ jab yahī kaam hai yaar vale ke ḳhudā kā naam karo

kab se khaḌe haiñ bar meñ ḳhirāj-e-ishq ke liye sar-e-rāh-guzār
ek nazar se sāda-raḳhū ham sāda-diloñ ko ġhulām karo

tum na maano magar haqīqat hai
ishq insān kī zarūrat hai

ab tire taġhāful se aur kyā talab kiije
shauq-e-nā-rasā merā ishq-e-mo'atabar merā

dīvānoñ ne dīvānoñ se pūchhā kaun hai vo
jis ke ishq meñ pāgal rainā aur shaidā.ī shaam

rahe ḳhayāl ki majzūb-e-ishq haiñ ham log
agar zamīn se phūñkeñ to āsmāñ uḌ jaa.eñ

shahr ke shahr kā afsāna vo ḳhush-fahm magar saada musāfir
ki jinheñ ishq kī lalkār ke rahzan ne kahā: aao!