Tags-Ishq

hairāniyoñ ke zaḳhm kā marham kahāñ 'nadīm'
dil sehr-e-dard se huā bedār ishq meñ

ishq se baaz ham aate jo guzartā vo garāñ
lutf to ye hai tabī.at pe garāñ hī to nahīñ

vahshat meñ qaid-e-dair-o-haram dil se uTh ga.ī
haqqā ki mujh ko ishq ne rastā batā diyā

ishq se dil ko uubā dekhā
jism kā jab se saudā dekhā

har kisī kuuñ guzar-e-ishq meñ ānāñ mushkil
raah sīdhī hai vale raah kuuñ pānāñ mushkil

ishq ko be-naqāb honā thā
aap apnā javāb honā thā

kūcha-e-ishq meñ nikal aayā
jis ko ḳhāna-ḳharāb honā thā

ab is maqām pe pahuñchā diyā thā ham ne ishq
junūn ḳhatm thā dīvāngī bachī huī thī

mahv hote haiñ ishq meñ jo log
un se kab kām-kāj hotā hai

maslak-e-ishq meñ to kasrat se
zulm sahnā rivāj hotā hai

ishq kyā hai tumheñ ye batlā duuñ
rog ye lā-ilāj hotā hai

abas hai vāda-e-fardā tumhārā
marīz-e-ishq kī hai āḳhirī raat

aatā nahīñ shabāb yūñhī kā.enāt par
masrūf kār-e-ishq kī barnā.iyāñ bhī haiñ

uljhā huā thā ishq meñ pahle hī nā-murād
nāgāh ruḳh pe zulf pareshān ho ga.ī

qais-e-vahshī kā banāyā mujhe saanī kis ne
ishq-e-sādiq kā nahīñ hai to asar kis kā hai

vahshateñ ishq aur majbūrī
kyā kisī ḳhaas imtihān meñ huuñ

na pūchho ishq ne ġhairat se kyā kyā rañg badlā hai
ḳhayāl aayā hai saath auroñ ke jab jab mushtarak terā

dekho ye chalan Thiik nahīñ ishq meñ hargiz
va.ade se mukar jaate ho har baar mire yaar

jo ishq-bāzoñ ko āzmāyā lagā ke chhuriyāñ ye qahr Dhāyā
yahāñ yahāñ tak lahū bahāyā ki naubat aa.ī kamar kamar kī

phir rah-e-ishq vahī zād-e-safar māñge hai
vaqt phir qalb-e-tapāñ dīda-e-tar māñge hai